الكلام يقال وردها

مرزوق مبشر المزيني من الاصدقاء القليلين وبيني وبينه
مساجلات كثيره الجاء له لشرح شعوري وهو شديد النباهه
يدرك ماقصد ويجيب
قلت له ذات مرة مايلي:.ــــــــــــــــــــــــــــــــــــــــــــــــــ ـــــــــــ

الكلام يقال عند مناسباته =والعلوم تجاب في حزة طلبها
والرجل يسعد ويشقى في حياته= والمشاكل كل عاقل يجتنبها
الرجل ينبيك هرجه عن صفاته = والحقيقيه تقنع اللي ما طلبها
ما نحسّب للكلام وشايعاته = والمحابل شرها للي نصبها
من تعرض سيرنا نلجم لهاته = ومن يشب النار نرميه بلهبها
ندرس اوصاف الرجل ومواصفاته = نقتدي في سيرته والانعقبها
ياوسيع المعرفة ماجبت هاته = ماتجيب إلا لجزيله مارجبها
عندك النطق الجزيل وطيباته = والمعاني ماتجيب إلا ذهبها
الاسم مرزوق مرزوق بذاته = من فعول طيبات ومن أدبها
وبعده مبشر والبشرى من سماته = يشتري كل النوادر من جلبها
ياسديد الراي ودي بالتفاته = للعلوم اللي تسلي من قضبها
جدد الموضوع وأهمل سابقاته = كل نار طافيه غيب حطبها
لو بنات أفكار مخي حاضراته = من شهور ماضية كان انتدبها
لكن الموقع عليه مخلفاته = وأثرهن راحن مع اللي راح لأبها
قمت أحس الوضع وألمم شتاته = والوعور اللي تتعب مارتكبها
يالفهيم اللي على الحكمه ثباته = لاتحاسب من حساباته حسبها
والعمى متجود في راس شاته = مالنا بالطاولة واللي قلبها
والثمر مازال باقي في نباته = وانخله مستور ماحرك رطبها
جاك علمي وأنت تفهم خافياته = تفهم القصة وتفهم وشسببها

فرد مرزوق بما يلي :

ياسلام الله عليكم وبركاته = كلمة تظفي على السامع هدبها
مختصرها والكلام وموجزاته = وكل كلمة حسب فهم اللي كتبها
وأبو خالد يوم عبر من جراته = ومن وفاه لسيرة الماضي طلبها
وارداته حطهن مع صادراته = باختياره جمع العقل وقصبها
يوم حسب عاد طبع مذكراته = وعمر الفله وقال اختر كنبها
بالبيوت اللي بها صاغ كلماته = ماص مفراس البيوت إذا كتبها
القلم ترعف من أفكاره دواته = والمعاني لو تمادى ماسلبها
ولا تكل من الجزال محاولاته = وخبرته وأفكار عقله ماحجبها
من سلوبه لاصدقائه مجاملاته = والنفوس البوس مايدرى غضبها
لاصدقائه بعملته ومعاملاته = سيرة اللي لاتركتها ولا قضبها
والصراحة والثقة من راسياته = والحماقة لو ركبها ماشعبها
حسب فهمي للهدف وملابساته = يوم مس أبطانها مدري حقبها
ساقها سوق المعيد بمبهماته = ساقها مدري مع المنحى سحبها
صاغها بمخططه ومعادلاته = وقال جبها وأنت واحد من جنبها
والسفينه مبحره في صافناته = وترجمة سبة زعلها مع طربها
وحملها دفعت على الشاطئ زكاته = ودسرها ثبت على الشاطئ خشبها
قادها بحبلها وأرسى حصاته = طاوعت مدري على الجود غصبها
أعتبرها معجزة من معجزاته = كيف يذبح ولا قطع عصبها
والنعت توضيح علم بمفرداته = والعمى بيت القصيده ياحدبها
العمى خل البصير وعابراته = وكابتن الحاره يدرب منتخبها
خذ عبارة يالحكيم بواجباته = إن خلت مستور ماصفى حسبها
وأبو خالد بالرموز مساجلاته = جاوب الأعراب في لهجة عربها
وإبتديت وطالب التوضيح جاته = جملة مضمونها يفتل شنبها
شفت مدري شاف في شاشة قناته = والعرب تجهل سببها مع نسبها
والخبر تحت الثرى دفنت نواته = شافها مدري سمع لكن نكبها
واحد شال الذبيحه في عباته = راسها مخفيه ومبين ذنبها
اللهم لا إنتقاد ولا شماته = لعبة البيه ولا افلح من لاعبها
وكم مصلي ماقرا الحمد بصلاته = وكل نفس تسير حين الله وهبها

والخبر تحت الثرى دفنت نواتـه
شافها مدري سمع لكـن نكبهـا
واحد شال الذبيحـه فـي عباتـه
راسهـا مخفيـه ومبيـن ذنبهـا
اللهم لا إنتـقـاد ولا شمـاتـه
لعبة البيه ولا افلح مـن لاعبهـا
وكم مصلي ماقرا الحمد بصلاتـه
وكل نفس تسير حين الله وهبهـا



صح السااانك يا بو خالد وصح السان الشاعر مرزوق الحصني

صح السااانك يا بو خالد وصح السان الشاعر مرزوق الحصني
قصيدتين من أجمل الشعر الله يعطيكم العافية على هذه المساجلات الأخوية :

صحت السنتكم
والله يـعـطـيـكم الـعـافيـــــــــــة
بيض الله وجيهكم

الاخ ابو خالد
صح لسانك ولسان الشاعر مرزوق الله يبيض وجيهكم وتبقون لنا ذخر يااهل الوغاء والعلوم الطيبه

	صحــت السنتكــم دمتم برعاية الله وحفظة

الاخوان الكرام محمد شاهر
نافع الحربي
الحب الباقي
سعد المحمدي
بن فرهود الحربي
مشاهدة موضوعي هذا كرم وتاييدكم شرف الله لايهينكم

من تعرض سيرنا نلجـم لهاتـه=ومن يشب النار نرميـه بلهبهـا
ندرس اوصاف الرجل ومواصفاته=نقتدي فـي سيرتـه والانعقبهـا

صح لسانك ولسان الشاعر مرزوق الحثل
وكلكم الله يطول عماركم من الشعراء الافذاذ
ومنكم نستفيد دمتم بالوجود

ابو خالد صح لسانك ولسان الشاعر مرزوق الحثل


بيض الله وجيهكم

عبدالله الفريدي
سعد الفريدي
سلمتم ودمتم لكم الشكر والتقدير على الاطلاع والتاييد ياعيال راشد