البدراني والفريدي

البدراني=
عد من حج بيت الله ولبا=يا سلامي عليكم كل فردا
تو ماشبت النيران شبـا=وين شعارها نبا انتحـدا
الفريدي=
عد ماتطحن الرحاة حبا=ياهلا والفريدي مستعدا
شد حيلك تراني فوق قبا=كل غارة لها نبا انتصدا
البدراني=
نعم يا الاجودي من دون سبا=فيك يا الاجودي ماابغى التردا
انت منا ولـك بنـاً يصبـا=مااقدر احدها بالسيـف حـدا
الفريدي=
وانت لاهنت لك قدر ومحبا=سبعة انعام فيك ولا تسـدا
انقد امن الذهب هات المخبا=خلها اتفوح كمبودي ونـدا
البدراني=
حضهم ياجماعه يوم طبيت طبا=اعترض شاعرن للفعـل قـدا
ناوين اهب لـي فيهـم مهبـا=مير عقـب الفريـدي ماتعـدا
الفريدي=
كسرها ماتداويـه الاطبـا=مار ابا اقرب لراسي مخدا
ابشروا بالسلامه يالاحبـا=وين ذيبٍ على المرقاب عدا
البدراني=
الذخيره من المخزت تعبا=الفريدي تراه هو المبـدا
ودي اجنبه مير استشبـا=بعد ساعه تشوفونه يقـدا
الفريدي=
من عطيناه باليمنى تربـا=تاخذ اسنين عينه ماتلـدا
وانت تشره على حلو العنبّا=تدخل ايديك في غار الاسدا
البدراني=
قبل نعطيك حلتيته وشبـا=لاتعاند وشد الحيل شـدا
مير دور على ضلع وتخبا=قبل تنزل تهد الحيل هـدا
الفريدي=
عقب عصر النبوة من تنبا=يتبع مسيلمة ملعون جـدا
وانت خلك على قدك تدبا=اتعشـى بمثلـك واتغـدا

شد حيلك ترانـي فـوق قبـا=كل غـارة لهـا نبـا انتصـدا
الله اكبر
انت منـا ولـك بنـاً يصبـا=مااقدر احدهـا بالسيـف حـدا
والله اكبر
كسرهـا ماتداويـه الاطـبـا=مار ابا اقـرب لراسـي مخـدا
ابشـروا بالسلامـه يالاحبـا=وين ذيبٍ على المرقـاب عـدا
قبل نعطيـك حلتيتـه وشبـا=لاتعانـد وشـد الحيـل شـدا
مير دور علـى ضلـع وتخبـا=قبل تنـزل تهـد الحيـل هـدا
اخذ وعطى بيض الله وجيهكم يامحمد على هالمحاوره والفريدي هذا خويك داهيه وش اسمه

الله يسلمك يالناقل وعلمني وين عينتها المنتدى سجلت فيه ولاعاد عينته ارسل الرابط على الخاص او اسدحه هنا ولا عليك أمر