سر ياقلم واكتب من الشعر وركــي

سر ياقلم واكتب من الشعر وركــي=على بيوت(ن) من بيوت الجزالــه
من راس ما يعجز ولا يبلشه شــي=يفرها فر(ن) سوات المحالــه
اسوقها سوقن على كيف مابــي=مع الدروب الموعره والسهالــه
يا مرحبا واهلين باللي وصل لــي=علم(ن) يوضح لي عن اللي جرالــه
أنا اشهد ان الوقت شمس(ن) بلا فــي=أنا اشهد ان الوقت زاد اشتعالــه
الله يزيل الهم عن كل مبلــي=المبتلي يالله ترفق بحالــه
لا باس يابن الناس وش عاد وش هــي=ما بعد ضيق الا الفرج والسهالــه
دنياك ما تسوى تراها ولاشــي=ولا توزم الدنيا تراها مزالــه
كل الذي يمشي عليها مقفــي=ما باقي الا وجه رب الجلالــه
واعرف ترى فالناس صائب ومخطــي=واكثرهم اللي جاب همه لحالــه
ما يرجع اللي فات خله يولــي=دور على غيره وتلقا بدالــه
دور على الحسنه وجنب عن الســي=هي راحت الانسان لاضاق بالــه
شفني وانا يا خوك راكب على بــي=من شافني قال اف ياكثر مالــه
واحتجتها يوم الوضع صار مزري=ما سدته يا نعنبوها وكالــه
وما شفت بعد العز صدام وعــدي=من بعد عز وجاه صارو ذلالــه
اصبر على مافيك لو تنكوي كــي=اصبر ولو الصبر زاد احتمالــه
لا تشتكي للناس ما عندهم شــي=كلن على ما قيل رايح بحالــه
عليك با اللي لا دبا النمل يوحــي=ما خاب عبد(ن) ضاق يوم التجالــه

اخـــوكـــــم / عـبـدالـلـه الـبـــراكــــي

صح لسانك وبارك الله فيك
الحقيقه الجزاله هنا تجدها في هذه القصيده لانها من شاعر جزل ومتمكن
كلمات معنى 00متكامله والكمال لله 0 اشكرك جزيل الشكر
وتقبل تحياتي وشكري وتقديري0

الله يزيـل الهـم عـن كـل مبلـي=المبتـلـي يالله تـرفـق بـحـالـه
اللهم أمين
الله يجزاك خير على هذه الدعوه
ويبيض وجهك على هذه القصيده
وصح لسانك
ياعبدالله البراكي
اشكرك جزيل الشكر على هذا النص اللي مايجيبه إلى شاعر جزل
ماشاء الله عليك والله يزيدك من فضله

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

هلابك اخوي العزيز والشاعر الرائع

عبدالله البراكي

صح الله لسانك ورفع شانك على هذه القصيده الرائعه

دمت اخي بهذا العطا الممتع

وتقبل تقديري واحترامي

دنـياك مـا تــسـوى تــراهـا ولاشـي ــــــــــــــــ ولا تـوزم الدنيـا تراهـا مـزالـه
كـل الـذي يــمـشـي عـليهـا مقــفـي ــــــــــــــــ مـا باقـي الا وجـه رب الجـلالـه
واعرف ترى فالناس صائب ومخطي ـــــــــــــــــ واكثرهم اللـي جـاب همـه لحالـه
ما يـرجـع الــلـي فـات خــلـه يــولـي ـــــــــــــــــ دور علـى غيـره وتلـقـا بـدالـه
دور على الحسنه وجنب عن السـي ـــــــــــــــــ هي راحت الانسـان لاضـاق بالـه



درر ماصطرت اخي عبد الله صح السانك ملايين عليها

وبيض الله وجهك شاعر جزل لك كل التقدير

رعاك الله

صح لسانك الف ومالك لوا

	المشاركة الأصلية كتبت بواسطة خالداللهيبي

	صح لسانك وبارك الله فيك الحقيقه الجزاله هنا تجدها في هذه القصيده لانها من شاعر جزل ومتمكن كلمات معنى 00متكامله والكمال لله 0 اشكرك جزيل الشكر وتقبل تحياتي وشكري وتقديري0

الاخ / خالداللهيبي

صح بدنك ،

والجزاله هي مرورك الكريم

والشكر لك اخوي / خالــد على الاشاده التي اعتبرها وسامآ على صدري ،

وفقك الله ..

	المشاركة الأصلية كتبت بواسطة صقر المراقيب

	الله يزيـل الهـم عـن كـل مبلـي=المبتـلـي يالله تـرفـق بـحـالـه اللهم أمين الله يجزاك خير على هذه الدعوه ويبيض وجهك على هذه القصيده وصح لسانك ياعبدالله البراكي اشكرك جزيل الشكر على هذا النص اللي مايجيبه إلى شاعر جزل ماشاء الله عليك والله يزيدك من فضله

ويجزاك خير اخوي / صقر المراقيب

ووجهك ابيض ،، وصح بدنك

والشكر لمرورك العطر ،، والاشاده التي اعتبرها وسامآ على صدري

وفقك الله ..

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

اخي / الحب الباقي

يعافيك ربي انشاالله

وصح بدنك مليون ،، ووجهك ابيض

وشكرآ لمرورك الكريم

وفقك الله ..