ابوناب والثبيتي رحمه الله((قصه ومحاوره))

للتوضيح ومعرفة اتجاه الشاعرين.
في عام 1413هـ تقريبا" اتصل رجل كويتي من الكويت على
ابومشعاب وقاله نريدك تكلم لنا ستة شعار وانت منهم
وتحضرون عندنا ثلاث ليال وهي السبت والاحد والاثنين
بالمبلغ اللي يتم الاتفاق عليه , وكلم ابو مشعاب
مبروك ابوناب وشبيب العتيبي وعمر الخالدي وبكر الحضرمي
وخليف ابن دواس والاخير ماني متأكد منه.
المهم كانت الرحله يوم الجمعه وكانت ليلة الجمعه
توجد حفلة لاحد اقرباء شبيب واتفق الجميع للاجتماع
فيها, وحضروا جميعا وحضر الشاعر الكبير مطلق الثبيتي رحمة الله عليه
وكان يعلم بالعزومه ويعلم ان وكيلهم وسفيرهم هو ابو مشعاب
فأراد ان يوشت بينهم من بدري وجرت بينه وبين ابوناب واسمتين
كانت هي زبدة الملعبه
الاولى كتبتها قبل والثانيه اكتبها الان , وللمعلوميه
بعد انتهاء الثلاث ليال في الكويت تلقى ابوناب دعوه
من اهل الكويت
ليوم الخميس والجمعه اللتي تليها وكان قبلاه فيها
مطلق الثبيتي رحمه الله والمورقي, وللاسف ليست عندي.

((مطلق ))

وش لون صورتك يامبروك وسط الجواز=وانته سفير الحكومه عند عمانها
مااحسبك تصبر دقايق عن جبال الحجاز= اللي عليها الطيور تلف جنحانها

((مبروك ابوناب ))

ان كان شقيان منها شوفها فالجهاز= ياللي تمثل وصوف الناس والوانها
حنا على السنه اللي ماعليها احتراز= يوم ان بعض العباد تحلق ادقانها

((مطلق ))

ان كان حطيت في صورتك بعض بعض الغناز=امست ربوع الكويت بغير سكانها
ياواحد" تحذف الطرقي وبيتك قزاز= ثورت لك بندق" ياكثر دخانهاا

((مبروك ابوناب ))

حنا كسبنا وترى الطاله جهتنا تحاز= وانته تحوف البيوت تطق بيبانها
الناس كل" بفكره يخترع له مجاز= خلك فشانك وخل الناس فأشوانها

((مطلق ))

ابن العماره سواتي فوق ساس" عزاز=ولا الحرامي يجي من تحت سيسانها
مافي مواصير بقعا غير ديزل وقاز=واللي يجي حولها تشتب نيرانها

((مبروك ابوناب ))

لا تزهم الطرقي اللي جاب قسمه وفاز= اثرك كما الحيه اللي يوهف لسانها
نكره وفكره تشب النار فالبرتكاز= ماباقيه فالجراده غير كرعانها

صح لسان شاعرنا الكبير مبروك (ابو ناب) ورحم الله مطلق الثبيتي


محاوره رائعه واشكرك على نقلها لنا

دمت بود

صح السنت الشعار


واشكرك على النقل ياماهر

صح السنت الشعار


واشكرك على النقل ياماهر

محاورة أبوناب وشبيب وخليف وأبومشعاب والخالدي والحضرمي عرضوها على قناة الدانه حفله رائعه جدا

ولعب مبروك أبوناب أطال الله في عمره مع عمر الخالدي موال وكان معناهم عن ( اللحيه ) وأن عمر الخالدي حالق لحيته ومبروك أبوناب ضغط على الخالدي في آخر المحاورة الخالدي أبياته كأنه يقول خلاص غير المعنى

الله يطول في عمرك يابو ناب

وتحياتي للناقل

الله لايهينك ياماهر على النقل المميز
وصح لسان شاعر حرب الذي عن شاعرين واطال الله في عمره
ورحم الله الثبيتي