الطيب ماينسى بين الرجال

عسى السحاب اللي ركود بممشاه=اللي بدا من يمة الغرب ناشي
جعله على نجد العذيه نثر ماه=وتروى الفياض اللي منول اعطاشي
احب نجد وكل حيا ومرباه=في ودها ماقبل كلام ونقاشي
احبها من قلب والشاهد الله=ولالي ورى ماقلت كسب ومعاشي
وكل الوطن غالي وبالعمرنفداه=اما حمينا الدار والابلاشي
والموت حق وكل حي بيلقاه=ولافيه حي يابيض الوجه عاشي
لابد من يوم يواري لمثواه=تحت الثرى من بعد زين الفراشي
اهل المناصب واهل الاموال والجاه=تجردوا منها بقطعة اقماشي
صالوا وجالوا وانتهى العمروانهاه=مفرّق الخلان والكل ماشي
وياسعد منهو جنة الخلد ماواه=انا اشهد انه للمكاسيب حاشي
لله دره فاز في حب مولاه=كسب الثمينه مانزل للهشاشي
القاف ينحاني على الصعب وانحاه=بيني وبين القاف فيه اهتواشي
وارجع وعيد القاف من حيث مبداه=حتى يعود ويزدهر بنتعاشي
من شان اقول اللي من اجله نظمناه=اللي من اجله هاض فكري وطاشي
اللي غمرني بالوفا ماتنساه=اقولها من قلب ماني مراشي
اللي نصح وخلص عسى الرب يجزاه= ماانغش من عرض القلوب الغشاشي
وقفة شرف تبقى لشخصه وطرياه= مثل القمرمايلتبسها الغطاشي
نفس ابيه مصعد العز ترقاه=بالحق تمشي طبعها ماتخاشي
يالله عسى ماتنقل العوق يمناه=ولالف فيها من ابيض الخام شاشي
يالله تجعل له من النار منجاه=يارب يامنزل صدوق الرشاشي
ويالله تصبرنا على نارفرقاه=وهذا الذي من مقبل الوقت خاشي
عيسى الرشودي العوفي=

صح لسااانك


قااف مميز


وقصيده جزله يا الغالي




تقبل مروري ودمت بخير

	المشاركة الأصلية كتبت بواسطة عماد القرافي

	صح لسااانك قااف مميز وقصيده جزله يا الغالي تقبل مروري ودمت بخير

صح بدنك ياعماد
مرورك شرف
لاهنت ياغالي

والموت حـق وكـل حـي بيلقـاه
ولافيه حي يابيض الوجـه عاشـي
لابـد مـن يـوم يـواري لمثـواه
تحت الثرى من بعد زين الفراشـي
اهل المناصب واهل الاموال والجـاه
تجـردوا منهـا بقطعـة اقماشـي
صالوا وجالوا وانتهى العمروانهـاه
مفـرّق الخـلان والكـل مـاشـي
وياسعد منهو جنـة الخلـد مـاواه
انا اشهد انـه للمكاسيـب حاشـي
___________________


صح لسانك ياعيسى

قصيدة جزلة الله يبيض وجهك

	المشاركة الأصلية كتبت بواسطة عبدالله الفريدي

	والموت حـق وكـل حـي بيلقـاه ولافيه حي يابيض الوجـه عاشـي لابـد مـن يـوم يـواري لمثـواه تحت الثرى من بعد زين الفراشـي اهل المناصب واهل الاموال والجـاه تجـردوا منهـا بقطعـة اقماشـي صالوا وجالوا وانتهى العمروانهـاه مفـرّق الخـلان والكـل مـاشـي وياسعد منهو جنـة الخلـد مـاواه انا اشهد انـه للمكاسيـب حاشـي ___________________ صح لسانك ياعيسى قصيدة جزلة الله يبيض وجهك

لاهنت يالفريدي
وصح بدنك
مرورك شرف لي

عيسى العوفي صح لسانك قصيده جميله من شاعر اجمل
اكن له كل ود غالي من قوم غالين

[quote=سعد المحمدي;698325]عيسى العوفي صح لسانك قصيده جميله من شاعر اجمل
اكن له كل ود غالي من قوم غالين[/quote]

الشاعر سعد المحمدي

صح بدنك

وثق تمام الثقه أنك ماتعز الا من يعزك

لاهنت ياغالي

ذهب يابو عبدالرحمن

صح لسانك

بيض الله وجهك

سبك وحبك سبائك لا يجيدها الا انت

تحيتي وتقديري

	المشاركة الأصلية كتبت بواسطة علي هليل الحربي

	ذهب يابو عبدالرحمن صح لسانك بيض الله وجهك سبك وحبك سبائك لا يجيدها الا انت تحيتي وتقديري

صح بدنك يابو مشعل

ولاعليك زود

وشهادة منك تهمني كثيرررر

تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك