مجاراة الشاعر الكبير / لافي حمود الغيداني

يارجـل لاتنسـى حقـوق الرفاقـه=وعلى حقوق الربع لاتبدي القـرش
فبيوتهـم تلقـى الكـرم واللبـاقـه=وتاكل إعيال اللي عراقيبهـا حـرش
وتعطيك اهلها من التراحيـب باقـه=مجالس ٍ مكسيـة ٍ بأفخـم الفـرش
غناتك بربعـك ولـو مـاش فاقـه=تسوى ملايين الرعايا من الطـرش
وإلا غنـات المـال هـي الحماقـه=لو تنفخ العلباه .. وتكبـر الكـرش
ترى ماهي دايـم امـزوح ورواقـه=دنيا ً تذل الذيب وترغـي الهـرش
لو بينها وبينـك ضبطـت العلاقـه=وبنت لك من الحلم فوق البحر عرش
مـن طبعهـا ماتخلـي الإصطفاقـه=ياما اخرشت ناس ٍ لهم ثقلهم خرش
تخّلي ايدين اللي عشقهـا إعشاقـه=وتغني ايدين اللي قبل رايح ٍ شرش
مادام تحمـل بأسـم ربعـك بطاقـه=على حقوق الربع لاتبـدي القـرش

لافي حمود الغيداني


عند قرائتي لهذه الابيات الرائعه كانت هذه المجاراة

يقـول مـن زيـن التماثيـل شاقـه=لو ان مانـي لاقـيٍ عقبهـا عـرش
اليـا التـوى لافـي بقـافٍ وساقـه=ان ما مشى له طوع والا كرشه كرش
مثل البحر كـل مـا تغامـق زراقـه=اما طلع لك حوت والا طلـع قـرش
متفـردٍ بالنهـج عـقـل وعـراقـه=يقرى على عاصم ويقرى على ورش
لـو نـدَره مـا تنتشفـق شفـاقـه=مالعمي شافوها ولا أصغوا لها الطرش
لا ذاق راع الصنـف منهـن ذواقـه=ميَز مذاق اللب عن طعمـة القـرش
لـو ينعطـى قـزاز منهـن سراقـه=يمزج بهن كل العطـورات بالغـرش
كـان الثمـن فيهـن تعـدى نطاقـه=الاَ على اللي عزهـم والـي العـرش

علي هليل الحربي

صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

الله يعطيك لعافيه

شكراً لمرورك واطلاعك

صح السان الشاعر الكبير لافي الغيداني
وصح السانك انت ايضاء شاعرنا المبدع
دمت بحفظ الله تعالى

يا سلام
صح لسانك ولسان الشاعر لافي الغيداني

صح لسانك ولسان الشاعر
لافي الغيداني

صح لسانك ولسان الشاعر
لافي الغيداني

الشاعر علي بن هليل
اجد الابداع وين ما وجدتك اجد عسف القوافي الصعبه كذلك
اجد الشعر الغير تقليدي
صح لسان مليون

صح لسانك ولسان الشاعر
لافي الغيداني