شفت الرسوم الاوله

شفت الرسوم الاوله وحزنتني = ياليتني ماكان مريتها اليوم
ليت الظروف بدورها ماجبرتني = ياليتني جنبت لو كنت ملزوم
قدمت عذري ما العرب لايمتني = الناس تدري ماحداً ناقص هموم
أن كان هاك اليوم ماوجهتني = العبرة اللي تكتم الصدر وتزوم
يا ديرتي وش عاد تبين مني = ماودي امرك ولا اسمع لك علوم
هذا العلم مني ورديه عني = مالك طعم لوفيك الخير مردوم
من عقب ذاك العود لاتشرهيني = من عقب ذاك العود عساه مرحوم
لواني ادي فالمنايا لاقربني = والله ما أنهض من عنده ولاقوم
أبوي عليه الحقائق يشهدني = أبوي وصفه غير مايصله لوم
يا ديرتي الهم زود بعيني = احسن لي البعد مانيب بمليوم
والعود الاخر فرقاه ماونستني = راع اهلاوين وعنده حق وسلوم
وخليت دياراً منول مسليتني = واليوم من شوفها يطير النوم
اللي من الله ترى ما زعلتني = عندي يقين انه من الله مقسوم
وهذه ترى اللي ميقنتني = في محكم كتابه قال الأجل محتوم

محمد عويض البدراني الحربي

صح السانك يابدراني

صح اللسانك يالذيب

أحسن الله عزاءك في والدك وعمك وماجور إن شاء الله

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

بيض الله وجيهكم ولاهنتم

الاخ محمد البدراني صح لسانك واعتلا شانك وبيض الله وجهك

صح لسانك وبيض الله وجهك

صح لسانك اخوي محمد بن عويض البدراني

صح الله لسانك
ولاهنت
وسلم فكرك وبنانك
دمت برعاية الله وحفظة