محاورة الشاعر/ منور المعمري وناصر الحويمضي

هذه المحاورة جمعت بين الشاعرين :
منور فضي المعمري وناصر متروك الحويمضي في منتديات الحوامضة من حرب


الشاعر : ناصر الحويمضي

ارحب معك ياسالم بمنور واكثر الترحيب = هلا يامرحبا ترحيب يرضى يوم يقراها
تعال ابغاك يامنور وطالت غيبتك ياذيب = وبعض الناس اريد اشوفها ماريد فرقاها

الشاعر : منور فضي المعمري


يدوم ابك البقاء يالطيب اللي في مقام الطيب = مقـام الربعـه اللـي منتداهـا يحـفـظ اسمـاهـا

انا موجود في وقت المواقف حاظرآ ما غيب = لـكـن انــت العـلـوم الـلـي تبيـهـا لا تعـداهـا

الشاعر : ناصر الحويمضي

صحيبي ياصحيبي والله انا مانجيب العيب= ليا منك بغيت الطيبه بالسوق تلقاها

غزيت العام يامنور فضي قلنا عساه يجيب = ترى ماكل من هاز الطويله راح يرقاها

الشاعر : منور فضي المعمري


انا ماقول فيك اقصور جبت العلم بالترتيب = وجمله يعرب اولهـا وجملـه يعـرب اتلاهـا

غزيت وجيت وامثل قبيله دون شك وريب = وبعض الناس ماوصل العلوم اللـي تمناهـا

الشاعر : ناصر الحويمضي


ليا منا رمينا للهدف لـو هـو بعيـد نصيـب = وكانك فيـك علـه عندنـا يامنـور ادواهـا

وجيتوا مثل مارحتوا ماجبت اريال وسط الجيب = ياليتـك ماتعنيـت وكسـب عنـوه تعنـاهـا

الشاعر : منور فضي المعمري


ياناصر كان هاذي رميتـك يحتـاج لـك تدريـب = عسانا ما نحسـدك فـي عصـاك اللـي تعصاهـا

وصلت المحفل اللي لو تصله كان جاك الشيب = ونـظـراتـك عرفـنـاهـا وفـزعـاتـك كشـفـنـاهـا

الشاعر : ناصر الحويمضي

وكانك ماتميز زين روح وسولك تشطيب = أنا انظر فوق لو الناس تنظر باسفل خطاها

الا ياحليل منور شاب وسنونه بعد تركيب = واظن الناس ماهي واصله لا شابت لحاها

الشاعر : منور فضي المعمري


انا اشوفك لكن الشوف ما يوصلك للتنصيـب = ياناصـر قالـوا اللـي مـا يعـرف النـار ياطاهـا

عساك تعيش لين تصير كبر الزير وإلا كليب = ومـن يعـرف شـروط الملعبـه يكمـل مزاياهـا


الشاعر : ناصر الحويمضي

ترى مانته بابن عواد يامنور ولا انت عضيب = لكنك لا تنصبني ترى رتبتك مابغاها

أشوف إن الدعاوي صعّبت في وقتنا تصعيب = وقدامك خطوطاً طال عمرك لا تعداها