عبدالله المري//فهد عواضه

عبدالله المري

سلام رديه تعمّ الرجال اهل المواجيب=رديةٍ تبقى من اليوم لا يوم القيامه
ياحرب ياللي عام الاول تصفون المشاريب=البير هذا العام يقلون عوّد بسّ قامه

فهد المخلفي

يامرحبا ترحيب يقفاه يابن يام ترحيب=اليا ضفا ماكنه الاهماليل الغمامه
اللي جهل هداج ماحدته لفح اللواهيب=هداج عدن يارده من سموم الوقت ضامه

عبدالله المري

الله يبارك في رجالٍ يعدّون المراقيب=واهل الزعامه تالي الوقت مامعها زعامه
وآعزّتي للشارب الاسود اللي ممتلي شيب=نبى نحرّك شجرة الراك وتطير الحمامه

فهد عواضه

الجرو ولد كليب وارث شجاعه بيه كليب=وقف مواقيفه واخذ وزعته يابو دلامه
واغزتي للي بتال الزمن شالو مشاعيب=وبنت الزناتي ماتبا غير من سيفه حزامه

عبدالله المري

اليا نشدت الذيب وش بك تجرّ عواك ياذيب=قال الزمن عوّد عدوّي ولا ندري علامه
بنت الزناتي عندها يابيض الشارب مطاليب=مار الجمل شقران قام ايتعشى من سنامه

فهد عواضه

لن الزمن قدم الذيابه شهر حد المحاديب=وارخي بقدره ياولد وارتفع قدر النعامه
مطلوبها فارس وسيع البنايد والمعاطيب=لاثار يومن مثل حرب الوديعه والرغامه

عبدالله المري

ان طعتني روّح وسافر على عوج العراقيب=وافتح طريق الخير واطلع على ريع السلامه
اجل توكـّـل وانت فارس تودّ العلم وتجيب=وانطح جموع الترك واكتب على الصفحه علامه

فهد عواضه

الذيب له نيبان والصقر في حد المخاليب=وليا سطو ماضنهم وايقو ريع الندامه
انا مضرا اناطح القوم في كل الاساليب=ولا انت عاقلكم يلصق بهامه في بهامه

عبدالله المري

ان جيت ادوّر للخبر يافهد بين الاصاحيب=ماشفت فيهم غير هرج الجهاله والغشامه
ياشينها ياشينها ياقصيرين الاشانيب=لكنّ عاقلنا محنـّـك وحامي للجهامه

فهد عواضه

كل مثل صاحبه في منطقه وافكاره قريب=واهذا مثل ماتقوله اهل المعرفه من عدامه
لاتعارض امثال العرب ياعسى لك فال مايخيب=وليا زعلت وضقت لاتلحق صحيبك ملامه

صحت السنتكم
ملعبه رائعه

أشكرك عزيزي فهد ابن عوضه الخلفي

صح السنتكم

وجعله في ميزان حسناتك

بارك الله فيك وتقبل مروري

مع شكري وتقديري لك يامميز
__________________