بيان الداخليه

الحمد للي قدر لكل الأقــــــــــــــدار= رد المكيده ماوصلنا ضررهــــا
حماء ولد نايف من يدين غـــــــدار= خان اليمين الي دعته وغدرهـــــا
أقبل لعين الوجه في راسه أفكــــار= له غايهً في خاطره ماقدرهـــــــا
محمد اللي قلطه داخـــل الــــــــدار= كف المكارم والعفوا ماذخرهـــــا
يمدها له ناسيً كل ماصـــــــــــــار= روحه على ساس المعالي عمرها
لاكن بقاء الشرير في سلك الأشرار= الزمره اللي حل فيها خطرهـــــــا
زرع عبوه داخله تنفجر نـــــــــــار= الله حما منها الأمير وفجرهـــــــــا
منه الجوارح والحشاء واللحم طـار= رحله جهنم ياعســــاة بسفرهـــــــا
سجل حروف أسمه على صفحة العار= بعض اللحي لاكرم الله شعرهـــــا
هذا بيان الداخليه باالأخبـــــــــــــار= أعلن على الشعب السعودي خبرها
مساء الخميس الي مضاء قبل الأسحار= لليله مضت من رمضان وشهرها
بثوا خبر عاجل تنا قله الأقمـــــــار= أحزن قلوب المسلمين وذعــــرها
أستنكر الي شافوا اكباروصغـــــار= على القناه الي توضح صورهـــــا
من خادم البيتين ابومتعب البــــار= اللي سباء حب القلوب وأسرهـــــــــا
لصغر سعودي عنده ايمان ويغار= على سهول المملكه مع بحرهــــــــا
المملكه دولة طويلين الأعمــــار= على العداء رب البراياء نصرهـــــا
والله ليبطي ويتردد ويحتــــــــار= ويطيح تخطيط الفكر ما كسرهـــــا
كانت خلاياء تنتشر داخل اوكار= وتبث في كل المناطق قشرهــــــــــا
واليوم في قبضة طويلين الأشبار= الله حصرها في يديهم حصرهــــــــــا
تبقين يابلادي على روس الأقطار= دار السعود اللي يضوي قمرهـــــــا
ابيوت تاصلني من الهاجس اكثار = لاكن لقيت ان البيوت اختصرهــــا
ياالله يامولاي ياالنافع الضــــــار= أكشف بذور المجرمين وشجرهــــــا
واختامها صلوا على سيد الأخيـــار = محمد المختار صفوة بشرهــــــــــــا

صح السااانك يا سعود ما قصرت وحمدا لله على سلامة الامير

	المشاركة الأصلية كتبت بواسطة خالد الحصني

	صح السااانك يا سعود ما قصرت وحمدا لله على سلامة الامير

صح بدنك أشكر مرورك الكريم

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك الله يعافيك ويخليك الله لايهينك

الشاعر الرائع
سعــــــــــــــــــــــــــــــــــــــــــود
صح لسانك
قصيده جزله ورااائعه

بيض الله وجهك على هذا الابداااع

الحمدلله على سلامه الامير / محمد بن نايف
والله يطول بعمرك يابن العم الغاالي

	المشاركة الأصلية كتبت بواسطة ناهس الشعيفاني

	الشاعر الرائع سعــــــــــــــــــــــــــــــــــــــــــود صح لسانك قصيده جزله ورااائعه بيض الله وجهك على هذا الابداااع الحمدلله على سلامه الامير / محمد بن نايف والله يطول بعمرك يابن العم الغاالي

صح بدنك....

تسلم على هذاالمرور العطر

ألف شكر

أسعدني تعليقك

لاهنت يالغالي

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

	المشاركة الأصلية كتبت بواسطة ابوفياض النويمي

	قصيدتك كفو وانت نوماس وعلمك غانم صح لسانك وانا اخوك على هلقصيدة الأكثر من رائعة من شاعر جزل ومتمكن .. شكرا ً لك من الأعماق على هذا الحضور وهذا الابداع وتقبل خالص تحياتي وتقديري

ماعليك زود ياالغالي
صح بدنك
اسعدني مرورك وتعليقك الرائع
لاهنت لاهنت ياابوفياض
أشكر جهودك الملموسه تجاه هذا المنتداى
وأتمناء له التقدم الى الأمام دائماً.....

اولاً الحمدلله على سلامة سمو الامير
وله الشكر على رد كيد هذا الغادر في نحره
وثانيا صح لسانك على القصيدة وهذا وقت الشعر