بدون عنوان

يايم سولف عن حصاصيك يا يم= سولف عن اسرار الدرار الكريمه
من رمل قاعك لصلاه اتيمم= وعيني فضاها ما يغطيه غيمه
ضاربك مني هاجس (ن)يدرك الجم= ما ياسم الا كل عنقا وسيمه
بحزام طلقين الشوارب تحيزم=امجند(ن)عرقى النحر في اديمه
والي بمتنه مابهن وحده اتزم= ايسوقهن وسق النظر في يميمه
على العدو والي ولد عم يسلم= يالله عساه ابخير يا الله تديمه
السيف مايرفع على مثل ابن عم=لو زل تدمح زلته ما تضيمه
والي بدا مني فتاة(ن)تهندم=تقرى العقول الراجحات الحكيمه
في علمها يجهل هل الكيف والكم= والهجن ما يظهر بهن كود ريمه
بنت (ن)قدم خصم اختها ما تبسم= اتقابله مثل الخصيم الخصيمه
في جوفها غبه وبعيونها دم=بنت الزعيم الي تسمى الزعيمه
معطات (ن)السلطه تحكم او تحكم= وعند الغضب نفس (ن)عليها حليمه
تبني لها برج (ن)مشيد ومعلم=ولا تلتفت لهل العقول السقيمه
قصة ولد همام يوم اركبه هم=خالف وسجل في يديه القسيمه
يالي على باب المساجين جاثم=لا تسجن الزاير تراها جريمه
الي يزور اويعطي امثال واحكم=اما اسمعه والا حرام الضليمه
لا فعل لا كافر ولا فعل مسلم= ولا يقبله يا كود نفس (ن)ذميمه
الله يجير اعباد ربي عن الغم=ترى العواقب لضلايم وخيمه
قل يا المدير المحترم يا المكرم=وشلون تسجن عندكم مثل ديمه
اما نطق با الحق والا تبلم= والحق ما يطلع من السن بليمه
يكفي من العاقل لياقال لك سم=العلم قرضة ملح والعقل قيمه
لحد(ن)يقول انه بنومه تحلم= وعرف تفاسير الحلوم القديمه
الغيب علم الي عن الغيب يعلم=مايعلمه من قام يومي بسيمه
ورواية الكاهن وقول المنجم= ما خبرة عن حب وافي لشيمه
من طاب له مبدا الكلام ايتكلم= والا تراها في بلدها مقيمه

الشاعر : خالد الحصني

صح لسانك و بيض الله وجهك

الخ فارس عوف

صح بندنك يا الغالي ومشكور على المرور

الشاعر : خالد الحصني
دام اداعك
صح لسانك و بيض الله وجهك

لحد(ن)يقول انـه بنومـه تحلـم
وعرف تفاسير الحلـوم القديمـه

الا يبعد بعض النشر والحلوم

الشاعر غازي الزغيبي



صح بدنك ولا هنت على مرورك الجميل

الشاعر : خالد الحصني

صح لسانك و بيض الله وجهك على القصيده الرائعه

الشاعر حمود الجابري

صح بدنك ولا هنت على مرورك اخي وزميلي العزيز

قصيدة وافيه من شاعر وافي

لم تأتي من فراغ


صح الله لسانك ولاهنت

دمت برعاية الله وحفظة

الشاعر او روان النويمي


صح بدنك ولا هنت على مرورك

قصيدتك كفو وانت نوماس وعلمك غانم