قصيدة لشاعرنا المبدع : فلاح بن صياف الحربي

قصيدة للشاعر : فلاح بن صياف الحربي بمناسبة تخرج مشعل بن أيمن بن مبيريك

سلام يا شيخن صعد قمـة الطيـب=من عهد ابوه وعهد جـده صعدهـا
كساب للطـالات راعـي مواجيـب=شيد قصور الطيب وارسى عمدهـا
له وقفتن عنـد احتكـام اللواليـب=يحل مـا تصعـب علينـا عقدهـا
حلحيل حلال الامـور المصاعيـب=ما جاه راعي حاجتن مـا وجدهـا
عسى الليال تجيب وتجيب وتجيـب=مثلك يا زيزوم الحـروب وسندهـا
واطلبك يا للي تعلم السر والغيـب=ديم امن دولتنـا وبالخيـر زدهـا
في ظل أبو متعب عطيب المضاريب=المملكة بيـن الـدول مـا بعدهـا
هذه حقيقـة دون شـك ولا ريـب=ما همنا اللـي بالأمـان يحسدهـا
وصلوا عدد ما تطلع الشمس وتغيب=علـى نبـي امـة محمـد سعدهـا

الله يعطيك العافية أخوي البلادي الحربي

1000 مبروك تخرج الشيخ مشعل و يعطيك العافية يالبلادي وصح لسان شاعرنا فلاح بن صياف ..

صح لسان الشاعر فلاح بن صياف

مبدع ابو عيسى

البلادي يعطيك العافيه

بيض الله وجهك على النقل

لاهنت يامشرفنا القدير البلادي على هذا النقل صح لسان شاعرنا الجزل فلاح بن صياف وكفو الف نعم للممدوح ويستاهل شيخنا وعز القبيله ابن مبيريك سلمت يالبلادي ولاهنت على هذا الاختيار وتقبل مني صادق الود والتقدير

	سلمت يالبلادي على النقل وصح لسان الشاعر / فلاح

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك