( اللي سكن قبره من الصعب ينشاف )

/
/
/
/
/
/
/
/
/
/
/
اخواني هذه مساجله لي مع الشاعر/
نايف بن صالح المالكي
اتمنى ان تنال إعجابكم

اللي سكن قبره من الصعب ينشاف=مثـل الغـلا لامـات مانسـتـرده
يانايف الصالح ترى الـود ينعـاف=سبة عذاب الـود عفـت المـوده
قبل الموده صاحبك مابـه خـلاف=لو كان قدمي ضلـع حيلـي يهـده
القا لذيذ النوم في فـرش والحـاف=واليوم ساهر قـد هجـرت المخـده
كله سبايب من تفـرّد بالاوصـاف=اللي سقاني سـم هجـره وصـده
العين عين الصقر في راس مشراف=وله شامة ٍ سـودا بهـا زان خـده
ياسعد منهو صاير ٍ معـه ميـلاف=هذاك حضّه ماوقـف يـوم ضـده
الهم في قلبـي لـه ايـام طـوّاف=والصبـر يتعبنـا إلـى زاد حـده
وانته مجـرب بالمـوده وعـراف=مـن قبلنـا بالـود عانيـت شـده
ربعك بني مالك لهم طيـب ميقـاف=ومن طبعنـا طيـب القبايـل نعـده
هذا جوابـي منتظـر ردة القـاف=ياشاعـر ٍ نشتـاق دايـم لــرده

الشاعر / خالد بن عبيد بن معتوق ألأحمدي
واليكم رد الشاعر
/ نايف بن صالح المالكي
واضيف معلومه هي ان ( سيلان ) جبل في ديار بني مالك

ياخالد بن عبيد مرحب بالالاف=ياللي عريب الاصل خاله وجده
عندي خبر قلبك من الود رجاف=اللي حصل له في غرامه يسده
ياصاحبي مابلهوى عدل وانصاف=بحر الهوى غدار جزره ومده
حمل ٍ ثقيل ٍ تحمله فوق الاكتاف =لو يحمله سيلان بالثقل هده
مادام لك صاحب تنكر ولك عاف=وانكر مواثيق الغلا والموده
انسى غرامه ماعليهم تحساف=خله يموت بذل هجره وصده
تلقى بديله صاحب ٍ عذب الاوصاف=يهدي لك الاشواق حبه ووده
تتحقق احلامك وقصدك والاهداف=واللي نساك بيوم وقته يرده
يالاحمدي وفيت ياولد الاشراف=روحي فداكم بالرخا أو بشده
ونعم بربعك عد من حج من طاف=نايف يعزك واستلم منه رده