الوضع نساني

بسم الله الرحمن الرحيم
السلام عليكم ورحمة الله وبركاته
اخواني الاعزاء في هذا الملتقي الطيب اسمحولي وستبيحكم العذر كل ماجيت اباكتب قصيده خاصه وهديها لكم لخبطتني نشرة الاخبار التي اتلفت العيون والاعصاب مما نشاهده بها وبهذه الكلمات المتواضعه اشرح بعض مايدور في الساحه العربيه والاسلاميه والله اسئل ان يزيل الغمه عن اوطان المسلمين ويجمعهم على مافيه الرفعه والنصر والسداد انه على ذلك قدير واليكم ماكتبت حول الموضوع

الوضع يالغالين نساني طواريق القصيد=وليا استمعت لنشرة الاخبار طار العرف طار
وسرابي الهاجوس عن نظم القوافي للنشيد=واحتارت الافكار مثل اللي يقول الانتظار
في كل لحظه والرحاء تطحن وتشره فالمزيد=وحنا هوايتنا التطفل خبرونا ويش صار
مرت علينا دروس والنايم ماهو بالمستفيد=وليا صحا من نومته نقول خلاك القطار
عبر بتصفيقه بليا صوت بالكف الوحيد=وتستفزع اليمنا بيسرها ويسرها دمار
وحنا نتصفح دفتر التاريخ للماضي نعيد=يمكن نحصل في رفات المقبره طلاب ثار
وليا احتفلنا فالسنه في مقدم العام الجديد=عام انهزام العام حولناه عام الانتصار
يأمة الاسلام كان المال صرنا له عبيد=من دون شك الدار ياهل الدار ماهي والعمار
بعد الجفاف النخله ام الطلع زاد ابها الجريد=وكلٍ يخم من الجريد الهش ثم يشب نار
واختلفو اهل الراي هذا منتحر وألا شهيد=قال الحكيم اللي كلامه صح بلوا واختبار
مير الوكاد ان القيامه قربت ماهي بعيد=شارات شفناها ولا متبقيٍ غير الكبار

كلمات / مضحي بن جمران الحربي

مضحي بن جمران

صح لسانك و بيض الله وجهك

و أسال الله ان ينصر الاسلام و المسلمين

صح بدنك ولاهنت مراقبنا الفاضل حميدان العوفي انا يمكن وضعت المشاركه في غير موقعها المشاهد من الجميع لذا ارجوك التفضل عليه ياعزيزي بنقلها اذا تحتاج نقل لكي تصبح مشاهده للجميع تراني ماعندي معرفه كافيه بالجهاز ولك جزيل الشكر

اخوك /مضحي بن جمران الحربي

	المشاركة الأصلية كتبت بواسطة مضحي بن جمران

	صح بدنك ولاهنت مراقبنا الفاضل حميدان العوفي انا يمكن وضعت المشاركه في غير موقعها المشاهد من الجميع لذا ارجوك التفضل عليه ياعزيزي بنقلها اذا تحتاج نقل لكي تصبح مشاهده للجميع تراني ماعندي معرفه كافيه بالجهاز ولك جزيل الشكر اخوك /مضحي بن جمران الحربي

ابن جمران
تم نقل القصيدة بالملتقى المخصص لها
و قصيدتك اعجبت الكثير من الشعراء
و على راسهم الشاعر/ غازي الزغيبي
الذي أشاد بالقصيده و اعجب بها

مضحي بن جمران

صح لسانك والله ينصر الاسلام والمسلمين

صح لسانك اخوي
لا عدمنا ابداعك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح السانك

حقيقه انهاقصيده لها بعاد

وشكرا لهذا الطرح

مير الوكاد ان القيامه قربت ماهـي بعيـد**شارات شفناها ولا متبقي(ن) غير الكبـار


اخي الغالي الله يحفظك ويرحم والديك

وصح السانك ملااااييين


دمت بخير ...

الشاعر الكبير
مضحي بن جمران
صح لسانك صح لسانك
قصيده ووافيه
بيض الله وجهك
على هذه الرائعه
وعسى عمرك طويل يابن العم
والله ينصر الاسلام والمسلمين