قبيلة حرب ...

السلام عليكم ورحمة الله وبركاته
إخواني وأخواتي أعضاء مجالس حرب الرائع
تحية طيبه وبعــــد ...
بعد غياب عن المنتدى لضروفي عدت لكم وأحمل الشوق والحنين لحروفكم المضيئة
ومعي لكم هدية بسيطة وهي قصيدة من كتاباتي الجديدة والتي تخص قبيلة حرب العريقه
أتمنى أن تجدوا المتعة في قراءتها
لا أطيل عليكم ...
لكـم القصيــدة :

إذا صاح الوريد وجاه دم الشعر بالإيجاب = وشفت المفرده تحبي على شطآن مغناها
أهيم وأغرق بجوي وأشوف لعالمي مرقاب = وأعاين بالحشى حبر وقريحة تشكي دواها
وأداعب بالقلم شوق المزون لسيلها السكاب = وأهز الكف وأحكي به حوادي جرت خطاها
أفل القاف وآخيطه وأشد بحبله الأطناب = وألملم باقي حروفه وأنقي جزل معناها
وأبهر دلة أفكاري وحبري لنارها شباب = وأصب بوسط فنجال الكرامه نبع يمناها
أنا اللي لا حكى تسكت بحور الشعر بالإعجاب = وتنطق صخرة العزة شموخ ونوف مرساها
كسبت الطيب والنخوة من جبال(ن) لها أبواب = مفاتيحه قبيله طالت العليا وسكناها
قبيلة حرب يا جود الوجود ونجمها ما غاب = ألا يا جوهرة أغلى من الألماس وقناها
بيارق لابتي تشمخ على آبانات فوق هظاب = ويرعد برقها بإسم الشهامه وانحدر ماها
ملينة الحديد ولا يلين المعتدي بعتاب = يلين عظمه القاسي مضارب حرب بعداها
بواردها وسوم الموت والناجي بعدها تاب = يحرم حمل باروده بوجه الحرب لا جاها
وإذا حمي الوطيس سيوف قومي تنشد المخضاب = تمرغ في حشى صدر المعادي حدة براها
ومدفع ربعتي يقنص جزيلات الفعل لا صاب = فتيله يشعله نار المراجل يوم تنصاها
وإذا فاح الكرم والجود قومي منبع الأطياب = يفوح المسك والعنبر من ثياب(ن) تِقدٌاها
خيول(ن) من ظهر خيل(ن) تعلى صهوة المرقاب = يسابق بالخُطى ريح الشجاعه ثم تعداها
وكل(ن) لا غرف دلوه نضح طيب وسقى أشناب = وكل(ن) بالمعارك له فعول(ن) وسط بيداها
ولكن واجبي يملي أسطر لابتي بكتاب = كتاب(ن) للفخر رمز وحروفه واجب أقراها
وعلى يم الطوارق سقت ينبوع الفكر مركاب = مجاديفه شعور(ن) صادق(ن) يسكن محياها

وسلامتكم ...
مهند بن عابد الزارع .

كسبت الطيب والنخوة من جبال(ن) لها أبـواب
مفاتيحـه قبيلـه طالـت العليـا وسكنـاهـا
قبيلة حرب يا جود الوجود ونجمها مـا غـاب
ألا يا جوهرة أغلـى مـن الألمـاس وقناهـا
بيارق لابتي تشمخ على آبانات فـوق هظـاب
ويرعد برقها بإسم الشهامـه وانحـدر ماهـا
ملينـة الحديـد ولا يليـن المعتـدي بعـتـاب
يلين عظمه القاسي مضـارب حـرب بعداهـا




مهند


صح السانك وبيض الله وجهك قصيده جزله من جزل الله يعطيك العافيه

	المشاركة الأصلية كتبت بواسطة جريح الفرقا

	كسبت الطيب والنخوة من جبال(ن) لها أبـواب مفاتيحـه قبيلـه طالـت العليـا وسكنـاهـا قبيلة حرب يا جود الوجود ونجمها مـا غـاب ألا يا جوهرة أغلـى مـن الألمـاس وقناهـا بيارق لابتي تشمخ على آبانات فـوق هظـاب ويرعد برقها بإسم الشهامـه وانحـدر ماهـا ملينـة الحديـد ولا يليـن المعتـدي بعـتـاب يلين عظمه القاسي مضـارب حـرب بعداهـا مهند صح السانك وبيض الله وجهك قصيده جزله من جزل الله يعطيك العافيه

الأخ العزيز / جريح الفرقا

صح بدنك ووجهك أبيض

والجزاله هي طبعك وانت راعيها

والله يعافيك يالذيب

شاكر ومقدر مرورك العطر

تحياتي وتقديري لك ...

أخوك / مهند الزارع .

الله يحييك بعد الغياب
و ياهلا و يامرحبا

و صح لساااااااانكـ و بيض الله وجهكـ

	المشاركة الأصلية كتبت بواسطة حميدان العوفي

	الله يحييك بعد الغياب و ياهلا و يامرحبا و صح لساااااااانكـ و بيض الله وجهكـ

الأخ العزيز / حميدان العوفي

الله يبقيك ويا هلابك مليون

صح بدنك ولاهنت

ووجهك أبيض يالغالي

الف شكر على مرورك الجميل

تحياتي وتقديري لك ...

أخوك / مهند الزارع .

صح لسانك اخوي
لا عدمنا ابداعك

	المشاركة الأصلية كتبت بواسطة الآنامل الفضية

	صح لسانك اخوي لا عدمنا ابداعك

الأأخ العزيز / الأنامل الفضيه

صح بدنك ولاهنت

والإبداع مرورك العذب

الف شكر أخوي الغالي

وتقبل خالص تحياتي ...

أخوك / مهند الزارع .

صـــــــــــــــــح لسااااااااااااااانك يالذيب ولاهنت على هالقصيده الشاااااااااامخه.

	المشاركة الأصلية كتبت بواسطة نايف العلوي

	صـــــــــــــــــح لسااااااااااااااانك يالذيب ولاهنت على هالقصيده الشاااااااااامخه.

الأخ العزيز / نايف العلوي

صح بدنـــــك يالذيــــب ولاهنـت

والشموخ عندما تضيء حروفك صفحتي

شاكر ومقدر لك مرورك الرائع

تحياتي وتقديري لك ...

أخوك / مهند الزارع .

	صح لسانك مليون على القصيده والله يـعـطـيـك الـعـافيـــــــــــة بيض الله وجهك