قصيده في حرب

السلام عليكم ورحمة الله وبركاته

هـذه الـقـصـيـده تـم تـقـديـمـهـا فـي مـزايـن قـبـيـلـة حـرب ولـم تـطـلـع لا

مـسـمـوعـه ولا مـقـروئـه

وإلـيـكـم إعـادتـهـا0

يقول عساف البيوت الندر=وليا بنا بيت القوافي قام
في مرقبن شامخ طويلن وعالي=ينشاف من راسه مسا المجهام
أبمدح أهل الطيب والعز والوفا=ربعي ليا جاء بالأمور ألزام
أمدح قبيلة من خيار القبايل=من خلقت التاريخ والأيام
ربعي قبيلة حرب كسابت الفخر=من الطيب مسهمهم يجي سنام
ولاهم بحاجه لمدحهم من شاعر=لاكن على الشاعر وجوب وهام
قبيلتن عن كل فزعه غنيه=ولو كل العالم جمعها اللام
وعاداتهم في راس عيطا طويله=ويوجد لهم بروس الطوال أعلام
ومكرمين الضيف والجار والخوي=ويخالف العاقل هوى الضلام
ومن جالهم في شر يندم وينخزي=واللي يعاديهم كسير أعضام
وسلاحهم نزاع الأرواح قاتل=نزاع قاتل خطير وسام
وأهدافهم بقلوب الأعداء بليغه=ويصحي النايم مرضها أسقام
وعدوهم يطلا كما طلي جربا=جربا جربها تقول أجثام
ويوخذ من الماضي دليلن وعبره=والصيرمي يوم يفرس المسنام
اللي صعد روس العوالي لخصمه=وش صار له يوم طير شلوى حام
من ماكرله من عولي جبالنا=الصيرمي القاطع الجزام
قال الصحيح ولا حسب شان ضده=عد الصحيح وفجر الأحلام
ولا يفهم المقصود رماي دونه=وليقول ماشي علامة أستفهام
هذا من الماضي وأنا أشكر الله=على زمان الخير والأنعام
تبدلت عسر الليالي بلينها=واقفا زمان الضلم والضلام
اليوم من فضل الكريم الوالي=أقفا زمان الهدم والهدام
من يوم مرحوم العضام المسس=أسس قواعها على الأسلام
عبد العزيز الله يرحم لروحه=قوم عمود الدين حتى قام
والكتاب والسنه أنارت طريقه=مثل النهار مغيب الضلام
واليوم حنا بخير والفضل لله=وحكامنا من خيرت الحكام
ومني تحيه لكل طيب من الملا=مني تحيه والسلام أختام