(((((إهداء ))))))) ....والطيب يبقى للمناعير عنوان.....(مجالسية )

بسم الله الرحمن الرحيم
الأحبة الكرام
أهدي هذه القصيدة إلى جميع الزملاء والأصحاب بمركز حلبان بمحافظة القويعية
وذلك إثر نقلي في حركة النقل الخارجي للمعلمين لهذا العام
إلى محافظة مهد الذهب
أرجوا أن تحوز رضى الجميع
وإليكم ياكرام
( مجالسية
)

يامل قلب ما تهيض بلانشاد=في وقت بدل بعده اليوم ببعاد
لابد ضيف الدار يرحل يالاجواد=والطيب يبقى للمناعير عنوان
هيض عليه تالي الليل هاجوس=من حالي اللي بين صحوات وعموس
والقلب ياصحابي من الوقت محموس=بين الرجا والياس جريت الألحان
ضيف(ن) معازيبه مناعير ورجال=في دار ابن مشيب على الطيب نزال
تعجز توفيهم طواريق الأمثال=وامثالهم مكسب وأنا اليوم كسبان
ياصحابنا الوافين معذار معذار=إن زلت الأقدام والرب غفار
والصفح يرجى من كريمين وخيار=عسا تدوم أيامكم خير واحسان
والوقت ياصحابي به الحلو والمر=أخالطه في بعض وامشي على بر
وأمشي على الساير ولا غب في بحر=ومحال يبقى حال في حل مابان
واليوم خلت البرق جوف الخيالي =وانحى ورا مزن (ن) غزير الثعالي
المهد مقصدنا ووجهة رحالي =ومنهو موكل ربه اليوم ما هان
يهل احلبان القلب باقي معاكم =بالطيب نذكركم ونكرم لحاكم
لاشك نوصلكم ونحفظ وفاكم =عهد (ن) عليه ياطويلين الأيمان
يقولها الحربي ابن محسن الباز=من بعد ما تمم معانيه بايجاز
وختامها يثني على الرب فواز=والحوت في بحره تغنى بسبحان

أولا : مبرووووووووووووووك النقل وعسى الله يوفقك .
ثانيا : صح لسانك قصيدة رائعة ججججججججججججدا .

	المشاركة الأصلية كتبت بواسطة الحميدي المخلفي

	أولا : مبرووووووووووووووك النقل وعسى الله يوفقك . ثانيا : صح لسانك قصيدة رائعة ججججججججججججدا .

الله يبارك فيك ويسلمك ويعافيك

وصح بدنك يالغالي

والراااائع تووواجدك في متصفحي يالنشمي

لك خااالص التقدير

وستين الف نعم يابن محسن صح السانك وبيض الله وجهك والوفا من سمات الرجال الطيبه شرواك ومبروك النقل

	المشاركة الأصلية كتبت بواسطة جريح الفرقا

	وستين الف نعم يابن محسن صح السانك وبيض الله وجهك والوفا من سمات الرجال الطيبه شرواك ومبروك النقل

وماعليك زود ما عليك زود ماعليك زود

وصح بدنك ووجهك أبيض

والله يبارك فيك يالغالي

صح لسانك ومبروك على النقل

	المشاركة الأصلية كتبت بواسطة ابن ردمان

	صح لسانك ومبروك على النقل

صح بدنك يالنشمي


والله يبارك فيك

أخي المبدع /فواز الزويهري

[/color] )[/align][/size][/color]

ابدعت يافواز في بدع الامثال=يالشاعر اللي دايم ابياتك جزال
ارجو لك التوفيق في كل الاحوال=يحفظك من كل الصواديف رحمان
ياستاذ يامحبوب يفخر بك الكل=في اي ارض تحل ينبت بها الفل
يعجبني إبداعك وشعرك ولاامل=سجّل مروري قدر لجلك وعرفان

دم بعز وتقبل إجلالي

	المشاركة الأصلية كتبت بواسطة عبداللطيف العوفي

	أخي المبدع /فواز الزويهري [/color] )[/align][/size][/color] ابدعت يافواز في بدع الامثال=يالشاعر اللي دايم ابياتك جزال ارجو لك التوفيق في كل الاحوال=يحفظك من كل الصواديف رحمان ياستاذ يامحبوب يفخر بك الكل=في اي ارض تحل ينبت بها الفل يعجبني إبداعك وشعرك ولاامل=سجّل مروري قدر لجلك وعرفان دم بعز وتقبل إجلالي

الأخ الفاضل الكريم

اسمحلي أن أضعها توقيع شخصي لي

فهذا اقل ما أجده لمثل هذه الشهادة التي أعتو\ز بها


وصح لسااااااااااااااااانك وبيض الله وجهك

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة