(( أعوان أخو مرّه بنوك السواليف ...... أبيات متواضعة ))

السلام عليكم ورحمة الله وبركاته
عزيزي القارىء الكريم اضع بين يديك هذه الأبيات المتواضعة وكلي أمل بأن
تحضى على تقديرك وإعجابك , وأن ترقى إلى ذوقك الرفيع

الله من قلب ٍ حدوه الملاقيف=اللي ليا سمعوا كلام هرجوبه
حداد الألسن مقبلين ومناكيف=وليا لقوا علم ٍ يقين قدحوبه
عيادهم تفريق جمع المواليف=يالله عساهم للفناء والعقوبه
أعوان أخو مرّه بنوك السواليف=ومزبرقين الهرج نوبه ونوبه
يجيك واحدهم لسانه كما السيف=وإلا الثمن زايد عنه سمل ثوبه
يالله عسى فيهم تحل الصواديف=وإلا تلحقهم من الناس حوبه
للطمس والتغيير معهم تعاريف=والزور والبهتان مابه صعوبه
مذهبهم الزايد يجي فيه تطفيف=تداوروه بطبعهم وإجنحوبه
مابين تدليس المعالم وتزييف=حتى يجيك بغير شكله وثوبه
تلقى لهم بين المهازل محاريف=ونفوسهم عن كل حق مهزوبه
على الحسد والحقد دايم مزاهيف=وأصغر خطى لاحصلوه إفرحوبه
ذولا المرض ذولا العلل يالعواريف=بأسبابهم كم فيه روس معصوبه
داهم يبي يكسر علينا المجاديف=وتصبح سفينتنا علينا معطوبه
نغرق قبل ترسي المراكب على السيف=حتى الهوى ما أظن تصفي هبوبه

وســــــــــــــــــــــــــلامتكم

وعليكم السلام ورحمة الله وبركاته

أبن القبيله

صح لسانك لاعدمناك

صح السان اخوي الشاعر أبن القبيله

يعطيك الف عافية

تحياتي

صح السان اخوي الشاعر أبن القبيله

صح السانك يابن القبيلة

وعساك علىالقوة ان شاء الله

بيض الله وجهك

وعليكم السلام ورحمة الله وبركاته

الشاعر صالح البشري ( ابن القبيلة )

صح السانك يالغالي

ويبيض الله وجهك

تحياتي وتقديري
عاشق بريده

/
.


صح لسانك ابو فهد

قصيدة رائعة





دمت مبدعاً ودمت لنا



بانتظار جديدك



/

أبن القبيلة
/
/
صح لسانك يالغالي
/
/
و دائماً مبدع

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك