لو نشدت الناس قالوا لك الحربي وزير

حبيب العازمي=
مرحبا ترحيباً أغلى من المال الكثير=فالبنوك اللي حرسها على بيبانها
طرت ياصياف لكن وقع لاتطير= فالسماء طيارةٍ تصدمك جنحانها
صياف الحربي=
بارك الله للعرب فالكبير و فالصغير=السيوف جداد و الخيل في ميدانها
انت شفت الغاوية يوم قامت تستدير=لامسكت يدينها نزلت كرعانها
حبيب العازمي=
فيك خير و شر لكن فالوقت الاخير=وش يخلي حرب تسرق عشاء جيرانها
مالقيت الغاوية شفت لي سيفٍ شطير= و أنت مثل الحية اللي تمد لسانها
صياف الحربي=
اصبر شويه لاتعجل مع الوقت القصير=الضعيفه ماسرقنا عشاء ورعانها
القضاه اثنين و الثالث العود الكبير= يطلعون الثلث للبنت قبل اخوانها
حبيب العازمي=
عمتك في خرجها شايله سمن و مضير=ان مشيت خلافهاو أن قعدت اوزانها
عام الاول قالوا انك على عسفان امير=لين كثرت قوم عسفان في عسفانها
صياف الحربي=
ان زعل يشرب بحر وأن رضي يشرب غدير=لايشب النارويطير مع دخانها
لو نشدت الناس قالوا لك الحربي وزير= الامارة مانشيل القلم من شانها
حبيب العازمي=
ماتج الجنه قبل ماتمر بزمهرير= و أحمد الله كان شفت على حيضانها
انت حربي مار ما أنته بشر و لا أنت خير= هز رأسك و اترك الروس فوق أمتانها
صياف الحربي=
ياحبيب طحت لك في عبوسٍ قمطرير= كل ماعايرتها يختلف نيشانها
يوم زاد الحر نقصت من حمل البعير= و الجمال الطيبه ماتطيح أرسانها

لو نشدت الناس قالوا لـك الحربـي وزيـر الامـارة مانشيـل القلـم مــن شانـهـا

بيض الله وجهك يافارس عوف

ورحمة الله على شاعر حرب صياف بن عواد الحربي

	الله يـعـطـيـك الـعـافيـــــــــــة بيض الله وجهك

بيض الله وجهك على النقل الرائع
ورحم الله صياف بن عواد وأسكنه فسيح جناته .

الله يرحم صياف
الله يبيض وجهك لاهنت

الأخ : فارس عوف

الله يرحم أبو مفلح ...

وبيض الله وجهك ويعطيك ألف عافية.,.,.,.,

تقبل مروري,,,,

الله الله

لعب على اصول .. معنى ومبنى ..

كيف لا ..؟

وصياف احد اطرافه ...


رحمك الله ياصياف واسكنك فسيح جناته ...


وبيض الله وجهك يابو ناصر ..

الله يعطيك العافية ..

الف الف الف الف شكر على المحاورة الرائعة ..

فارس عوف يعطيك العافية


رحم الله الشاعر صياف واسكنه فسيح جناته

ياماال الجنه ياصياف اشهد بالله انك فقيده

ان زعل يشرب بحر وأن رضي يشرب غدير لايـشـب النارويطـيـر مــع دخانـهـا
لو نشدت الناس قالوا لـك الحربـي وزيـر الامـارة مانشيـل القلـم مــن شانـهـا


رحم الله الشاعر صياف

وبيض الله وجهك يافارس عوف