بعد التعديل(عارفين الحر من فرخ الحديه)

السلام عليكم ورحمة الله وبركاته اخواني ارجو قبولها عدلتها وجأت هاكذا
بعد ماطلب مني تكملتها

كل طيـب عندنـا لـه مقدريـه= نكرمـه ولايهـون السامعيـنـا
ننطحه بأصدق تراحيب اوتحيـه=ننطحه والعـود الازرق باليمينـا
نكرم اهل الطيب واهل الشاذليـه= وعندنا يقلط علا سمن اوسمينـا
ماحسبنا غيـر لرجـال الحميـه= نكسب العليـا وبلفعـل اعتلينـا
من مزيانـا الفضيلـه والنقيـه= الخـوي انعاملـه كنـه حدينـا
والدخيل ابيوتنـا دونـه ذريـه= تحتميه اوجيهنـا مـع والدينـا
وجارنـا فالديـن والا الجاهليـه= مايظام اليـا زهمنـا واعتزينـا
الكـرم فينـا طبيعـه حاتمـيـه= ميزتـن مخلوقتـن منـا وفينـا
سيرت الاجـداد بالاحفـاد حيـه= ماتغيـر باقيـه مهمـا بقيـنـا
مالتزمنا فيـه نعطيـه افضليـه= نذبـح الحايـل نظـد المعتدينـا
نرخص الارواح من دون الوصيه= ماخظعنـا للمهونـه وانحنيـنـا
البلالي ساق نفسه عـن خويـه=بالامانـه يـوم وصينـا وفينـا
وقصة نويشي ترى ماهي خويـه= اربعه وثنيـن والسابـع يمينـا
وقصة هريسان في هاك السنيـه= ماتغيرهـا المعالـم والسنيـنـا
بالفـرع وموكـده ميـه بميـه= باشت الاتراك بجنـوده سطينـا
واطلب المعذار من حرب البقيـه= فعلكم بين العـرب فعلـن يبينـا
ماتكملهـا الحـروف الابجديـه= يشهد الله ثـم خلقـه شاهدينـا
مانهاب الموت وحيـاظ المنيـه= ان دعتنا المعركه للحرب جينـا
يوم قب الخيل واركوب المطيـه= ان غزينا مـا خسرنـا كاسبينـا
ادفعـو مـا دفعونـا بالجـزيـه= بالله الرحمـن وحـده ميقنينـا
لين جاء حكم ال سعود الصيرميه= الملولـك الحاكميـن العادليـنـا
في كتاب الله وفـي سنـة نبيـه= كاسبين الطيب في دنيـا ودينـا
والقبايل نعم فـي هـاذي وذيـه= طيبيـن وكاسبيـن وغانميـنـا
والردي مامـن وراه الا الرديـه= مانجـي يمـه ولايقـدر يجينـا
عرفته خيبـه وتقديـره زريـه= لويمـد ايديـه كفينـا يديـنـا
نكرم يدينا عن النفـس الدنيـه= الدنيـه فـي وطنهـا ماربيـنـا
ان زعل يظرب برسه في طميـه= ماحسبنالـه ولا يثـر عليـنـا
عارفين الحر من فـرخ الحديـه= لابليـنـا بالحـديـه لابليـنـا