قصيده عنوانها ( خرابيط هواوي ) ممنوع دخول المسنين هههههه

هذه من القصايد الحبيسه في الادراج ولكن لكثرة الطلب عليها نشرناها لكم ..
وذكرت بعض الاسماء بالقصيده مثل ( الشيخ ) ( والنال ) ( والمنتظر ) والحقيقه هذه الاسماء اسماء رنانه في احدى منتديات القبيله اللتي اول مانشرتها فيه ...

.ياهاجسي قوم في دورك وعطنا اللي عليه الكلام =ضاري بعذبة ينابيعك لاحان الشعر كلك شعر
ضاري بجودك ومدك والعذر لك صاحبن مايلام = لكن تكفى ومطلوبي ثمان بيوت ولا عشر
بيوت ملياء كما العاده جميع اشروطها بانتظام =الوزن والقافيه والثالث المعنى درر في درر
خلك على النهج الأول وانت تعرف نهجك اول غرام = وخابرك ماتجلب الا بيوت من غير المعاني عبر
اببتدي قصتي باللي نطحني كاشخن باللثام = في سوق راقي على سكه عموميه وكله بشر
اربشني بهيبته بحاول ابدأ واسبقه بالسلام =لكن من هيبته واقف على ساقي لا حس وخبر
كل الهقاوي وهرجي بالسعه ذابت وراحت عدااام =ما غير الد النظر ( حسره ) نظر شفقان قلبه خضر
الوصف جادل من اعلى جبهته للكعب كله تمام =المشيي كنه على يايات وليا لد كنه صقر
العمر توه صغيٌر ماتعدا حد عشرين عام =ان كان ناقص شهر وان كان زايد عن ماقلته شهر
اما من اهل الحسا بالطول والا من طحاطيح يام =لا تنشدوني (هواوي) لي قراراتي وكلي نظر
لافت بلبسه ومشيه واثق الخطوه بكل احترام =ومنقش كفوفه الثنتين بورود ودواير حمر
ماشفت مثله ياغير العام تال الصيف بام الحمام = ما شتقت به يومها طرقي وقدامي طريق وسفر
باقي من الوصف وصفه ماني قايلها علي الحرام =لو قلتها راح فيها (النال) و(ابو جود) و(المنتظر)
واقفى بعد نصف ليل السبت من سوق العنا والزحام =في مركبه تغري الناظر وتابعته وكلي قهر
ماوقف الا وراء الطازج عماره في طريق الحزام =في حي زاد المواجع شوفته ذكرت زيد وعمر
وش جابني كنت داله بين بيتي والعرب والدوام =مشكلتي اني سخوف وهل دمع العين ماشي صبر
من يوم جيته ذكرت اللي قبل عامين وشلون أنام =اللي ظروفه حدنّه لين حتى راح ماله ذكر
في ليلة مظلمه عدة لكن والله ماعدت سلام =ضرّيت قلبي لكن اللي قبل عامين زاده ضرر
الفله اللي لها بابين رسميه ونقش ورخام =فيها ربا طول وقته في مخطط بين بدو و حضر
واثني على الهاجس اللي قام بالمطلوب قبل الختام = من كل قلبي نقول الشكر ياهاجس ومية شكر

شاعركم نايف الحبلاني ( شاعر الحدث )

قصيدة جزله سلمت وسلم بنانك

لله درك شاعر كبير ومتميز

واشهد انك صدقت وبدعت معنى جديد


صح لسانك ملايين

صح لسانك يالحبلاني

صح لسانك يالحبلاني


على الدرر الرائعه


وسلم هاجسك على الابيات الجميلة

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

نص رائع وجزل


صح لسانك ودام ابداعك


سجل اعجابي ومتابعتي

صح لسانك وبيض الله وجهك

نص جميل وشاعر بارع

تقبل تحياتي

راعــ(البل)ــي

بيض الله وجهك

مسااااااااااكين العشاق

صح لسانك وبيض الله وجهك

نص جميل وشاعر بارع

تقبل تحياتي