منعاً.......للاحراج

بالله خلوني ترى البال مزعوج=غير الهموم بداخل القلب ما لاج
من ليلة البارح وانا الف وادوج=ومزرفلن باب المشاريه بسياج
ليش المشاعر تنحبس داخل دروج=منها الظلام يمل يا وقت الافراج
الحب درب(ن)للمحبين منهوج=ياهل القلوب اللي لها كم منهاج
النظرة اللي حركت فيني الموج=واظن قلبي من سبب موجها ماج
منول(ن)قلبي عن الحب مسهوج=حتى ورد ياهل الهوى عد هداج
ما زينت جمر المحبين بالروج=والخد مثل البرق من دون مكياج
بحضورها دنياي ريضان ومروج=وان غاب ضاع القلب من دون الافلاج
بنيت لاجل الحب في قلبي بروج=ولاجل المحبه لا تهدين الابراج
اواااه ياقلب(ن)من الحب ملهوج=اصبح لعطفك يا ادعج العين محتاج
انتي دفاي اليا غشى صدري ثلوج=وانتي بحور الشوق يازين الادعاج
خل العواذل لو يقولون مرجوج=لا تسمع العذال منعاً للاحراج
لا شك قلبي ما يجي سكة العوج=متربي(ن) بالعز ماعنده ازعاج
يابنت وان صديت ما عندي هروج=الحب يبغى للسواليف هراج
الحب سوى داخلي عدة فجوج=واصغر فجوجه بالمحبة كبر (عاج)!!
جرح المشاعر قدمه الباب مهجوج=ايه اجرحي ما دمتي انتي له علاج

وسلامتكم

صح الله لسانك ملايين

شاعر كبير

وابيات عن قصائد

صح الله لسانك

ولاهنت

وسلم فكرك وبنانك

دمت برعاية الله وحفظة

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

وانت سالم وغانم صح لسانك

اخوي فهد كتبت فأبدعت

لك مني كل التقدير

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

صح الله لسانك وبيض الله وجهك

جزل لا عدمتك

تحياتي

صح لسانك وسلم بنانك

صح لسانك

قصيده رائعه من شاعر رائع