ســمـــــا ســمـــــا

سما سما ياشعري اصعد إلى فوق=خلك فضائي عانق نجوم الافلاك
أبرفعك عن كل خايب ومطفوق=متبلّي الشعر بخرابيط وعلاك
اللي من اسبابه غدا الشعر مخنوق=واللي دبل كبد القصايد بالإركاك
واللي منيّلها وشعره بلا ذوق=يانعنبو خبل القصايد ليا جاك
مادمت لي فكر ومشاعر ومنطوق=أبرْفعك عن كل عكاك لكاك
من قدح راسي ماشريتك من السوق=ولاني مدور بك دنانير واملاك
يوم إن غيري سلعته كلها بوق=تلقيط من هذا شويه ومن ذاك
لكن بسيطه كل مطرود ملحوق=مصير جم الزيف يفنيه دكاك
ويقعد بها الخداع ضايع ومصفوق=ماعاد يكتب غير مكسور وركاك
وسما سما ياشعر بشويش برفوق=خل الغضي لا من تعليت يقراك
وقل له عن اسباب المعاناة والشوق=وقل له ترى لازال بالقلب مركاك
وانته توَرّدني على الهم والعوق=ماخفت ربك في خفوقٍ ترجاك
يامن غلاه بثومة القلب مدقوق=لاتنتظر لين إني أصيح وانخاك
تعال بلل ظامي آمال وعروق=أرو العطاش اللي ظمت عقب فرقاك
لاتزيدني طعنات وجروح وفتوق=وأنا استجير بحر نارك ورمضاك
وسما سما باخذك يـ اعز مخلوق=بس انت لايبطي عليه مجافاك

,
,
,

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

,
,
,

صح لسانك وعلا شانك

والله يعطيك العافيه على القصيده الجزله

بيض الله وجهك

تحيااااااتي

بيض الله وجهك يالغالي


وصح السانك


سما سما كفوووو


تحيتي لك

صح لسانك قصيده رائعه
من شاعر مبدع
تحياتي

قصيدة جزلة تستحق الإشااااااااده
صح لسانك و بيض الله وجهك

صح لسانك يالذيب

.. ولاهنت

نص راقي ..و عذب المعاني .. !

قصيدة شامخة

لافض فوك

تحياتي

صح لسانك



دائماً جزل يالنشمي


تقبل تحياتي

من قدح راسي ماشريتك من السوق
ولاني مدور بـك دنانيـر وامـلاك

كفوووووووووووووووووو

صح لسانك .. عزالله انها جزلة ورائعة ..

اسجل اعجابي بها...

ننتظر جديدك ..

بارك الله فيك .