فرحة العيد

العيد قرب وحانت فرحة الاسلام بالعيد = من بعد شهر الصيام العيد في الاسلام سنة
اشوف طير السعد غرد ويا حلو التغاريد = قام يتغنى ويعلن فرحته من غير ونة
العيد ماهو لمن لبس الجديد وعايد الغيد= عيدِ لمن صام ركن الدين واكمل كل قنه
عيدِ لمن رتل القران ترتيلِ بتجويد = عيدِ لمن واصل الارحام في شهر المحنة
العيد للي سعى بالخير دون الشرط والقيد= مؤمن وعارف دروب الخير واغصونه وفنه
اليا عرفنا شروط الصوم حصلنا المقاصيد= ونفوز يوم البشر هذا في نار وذا في جنة
جينا نعايد جميع الناس والمسلم بتحديد = من وحد الله حبه في ضمايرنا نكنه
الاولة ازفها تنصى الملك عبر الاناشيد= معطرة بالولا والحب مافيها مظنة
سلمان سلمان يانعم الملك نسل الاجاويد= ومحمد اللي عزومه للمعالي وصلنه
وازفها للسعوديين مصحوبة بتمجيد= الكل منهم تهانينا في بيته ياصلنه
الله عسى عيدكم مبروك يالجند الصناديد= عساه عايد عليكم والخواطر مطمئنة
بذلتم الجهد من دون الوطن وحماية الحيد =وان جا المعادي سهوم الموت منكم صوبنه
الله يسدد خطاكم في حمى الاوطان تسديد = انا اطلب الله واللي يطلبه ماخاب ظنه
وصلو ا على المصطفى والال والصحب الاماجيد=واختامها الشكر للمعبود من انسه وجنه

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله السانك


قصيدة عانقة السماء بجزالتها وأبداعها

تحياتي لك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

بدنك وطال عمرك ولك تحياتي

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

بدنك وطال عمرك ولك تحياتي

	المشاركة الأصلية كتبت بواسطة عبدالله السفري

	صح الله السانك قصيدة عانقة السماء بجزالتها وأبداعها تحياتي لك

بدنك وطال عمرك الجزالة في مرورك ولك تحياتي