قصيدة والرد عليها

السلام عليكم ورحمة الله وبركاته

قصيدة للشاعر علي سافر الصاعدي قالها بعد وفاة الوالد رحمه الله وردي عليه

يقول

يادار وين اللي يحبك ويغليك
يرعد يبرق فيك برق السحاب

وإن شب ضوه بأظلم الليل يرضيك
ويجونه الضيفان مع كل بابي

وإن مر طرقي وإلتفت بالنظر فيك
يشوف راسه مثل رأس العقابي

روح وكبك مير ما الله يخليك
دونك عيال يحتمون الصعابي

من دونك أبو سيف سيفك وراعيك
عن الهوا يضفي عليك الحجاب

يادار عند الناس بانت مواريك
دار الشرف منته بيوت الخراب

والله مايجي الردى من تواليك
حظ طلع بك في علو الهضابي

ياكم شيخ جا مسير وناصيك
وياكم جنبك نوخوا بالركابي

وياكم شارب يرتوي من قهاويك
من غير حيل في الصياني تجابي

مرحوم ياشيخ على العز بانيك
ويعيش راس اللي حسب لك حسابي

الأوله في اللي رحل بنعزيك
عساه في الجنات يلقى الثواب

والثانية باللي يعزك نهنيك
بعد لبسته من جديد الثيابي

لايهمك اللي كل ما أوحى بطاريك
ينغق مع أصحابه نغيق الغرابي

بالهرج لاجابك ولا هو موديك
والضلع مايخفيه كثر السرابي

.................

رديت عليه
أقول

حي الخطاب اللي وصل من تواليك
وحيـا الله الكاتـب وحيـا الكتابـي

يادار فـي مـدح البناخـي لراعيـك
واجــب علـي يـادار رد الجــوابـي

وافي يبو عادل ولك حـق نوفيك
ومن لايقـدر وافـي النـاس هابـي

ماهي غريبه منك طبع الوفا فيك
ثابت ثبوت طويق وسط الهضابي

لك حاضر يشهد على طيب ماضيك
إنـك علـى فعـل المعاريــف رابــي

طــول الليـالي مـا تغيـر مباديــك
فـرع زكى في منبتـه يـوم طابي

منصى رجال وصيت حضرة معاليك
يسـري بـه الحاديـن فـوق الـركابـي

بلسم صديـق وسقـم للي معاديـك
ومخالف المخطي وعون الصوابي

المـدح يـزهابـك ليا حـل طاريـك
الخيـر تذكر به وفي الحـق نابـي

لعل منهو يابيض الوجه يشنيك
إتحــده أيامــه لســـف التــرابـي

فايق تحيه من مشاعـر محاكيك
أختـم بهـا المكتـوب رد الجـوابي

البيرق

صحت السنتكم
والله يـعـطـيـكم الـعـافيـــــــــــة
بيض الله وجيهكم

وعليكم السلام ورحمة الله وبركاتة


صحت السنتكم
والله يـعـطـيـكم الـعـافيـــــــــــة
بيض الله وجيهكم

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

	المشاركة الأصلية كتبت بواسطة شموخ السلاطين

	وعليكم السلام ورحمة الله وبركاتة صحت السنتكم والله يـعـطـيـكم الـعـافيـــــــــــة بيض الله وجيهكم

صحت أبدانكم
الله يبيض وجيهكم ويعطيكم العافية

صحــت السنتكــم
دمتم برعاية الله وحفظة

وعليكم السلام ورحمة بركاتة
صح لسانك وصح لسان الشاعر علي سفرالصاعدي
عساك عالقوة ان شاء الله ويعطكيم العافية

	المشاركة الأصلية كتبت بواسطة فهد ابن غانم

	صحــت السنتكــم دمتم برعاية الله وحفظة

صح بدنك
الله يعطيك العافيه

	المشاركة الأصلية كتبت بواسطة شموخ السلاطين

	وعليكم السلام ورحمة بركاتة صح لسانك وصح لسان الشاعر علي سفرالصاعدي عساك عالقوة ان شاء الله ويعطكيم العافية

صح بدنك
الله يعطيك العافيه
تحياتي

ماشاء الله تبارك الله
جوهرتين من جواهر الشعر والادب
صحت السنتكم وبيض الله وجيهكم

	المشاركة الأصلية كتبت بواسطة حسيـن

	ماشاء الله تبارك الله جوهرتين من جواهر الشعر والادب صحت السنتكم وبيض الله وجيهكم

ياهلا ويامراحب بالمستشار
حياك الله اخي حسين
صح بدنك وبيض الله وجهك
تحياتي