من غزاه الشيب يقنع في حصيله

السلام عليكم ورحمة الله وبركاته
موضوع هذه الكلمات كنا مجموعه من هوات الالغاز والشعر بنواعه وكنا نتراسل بواسطة الاجهزه اللاسكليه مثل الايكم والكنود وفي كل ليله كل واحد يجيب اللي عنده لغز او قصيده نصح -غزليه- او قصيده تتحدث عن اي حدث إلا ان بعض الشعراء دايم على اتجاه واحد وهو الغزل باستمرار لدرجة الملل واي قصيده ثانيه مهي غزليه تشوفهم يتذمرون من قائلها ولايريدون إلا غزل والادهى انهم كبار بالسن والمفروض يكونو قدوه للشباب وليله من الليالي طلبو مني قصيده وبعده مالقيت القصيده قالو لي لو سمحت جب غزليه وإلا دور موجه ثانيه حنا ماحنا من ربعك قلت ليش الغزل هو مشكلتنا وهمنا الوحيد ومن الليله الثانيه القيت على مسامعهم هذه الكلمات وإليكم ماكتبت حول هذا الموضوع مع المعذره مسبقا من الجميع والقصد سامي ولا احد مقصود بشخصه وإليكم الابيات راجيا ان تحوز على استحسانكم

الهواء والعشق لايبقاء وسيله=كل شي(ن) زاد عن حده سماجه
يامدلهة الخوي واخلو سبيله=مالكم فالعشق يالوافين حاجه
من غزاه الشيب يقنع في حصيله=وينتبه في درب سيره وانتهاجه
دام عنده بنت عز(ن) له حليله=لايطاوع نظرت العين ومزاجه
ادري ان العين لاشافت جميله=ارسلت للقلب مازاد ارتجاجه
العلاج بغضها عن كل ميله=الرجل يعرف قبل يدخل خراجه
اربعه فالشرع ماهي فالقليله=من يحول عن شداده فالحداجه
الشراب من القراح ولايبيله=عارفين(ن) وش فرقه عن هماجه
لايغر الادمي ماله وحيله=حيلته ماتنفعه وقت المواجه
ينتهي قبل ايتلبس فالفشيله=مايحط الصاحبه غير الخواجه
فالبشر صاحين وبه ناس(ن) عليله=كم هبيل(ن) ماضي الشذره علاجه
ومزلج الشيبان ماني في وكيله=لاغدا مع درب غادي فالعجاجه

ادري ان العين لاشافـت جميلـه = ارسلت للقلـب مـازاد ارتجاجـه
العلاج بغضهـا عـن كـل ميلـه = الرجل يعرف قبل يدخـل خراجـه
اربعه فالشـرع ماهـي فالقليلـه = من يحول عن شـداده فالحداجـه
الشـراب مـن القـراح ولايبيلـه = عارفين(ن) وش فرقه عن هماجه
لايغـر الادمـي مالـه وحيـلـه = حيلته ماتنفعـه وقـت المواجـه
الله
الله الله
اخوي مضحي بن جمران
هذه القصيدة رغم قصر ابياتها
اعتبرها معلقة حق لها ان تكتب بماء الذهب
ابدعت ابدعت ابدعت .,,,,,,,,,,,,,

	المشاركة الأصلية كتبت بواسطة الشاكر أبو سامي

	ادري ان العين لاشافـت جميلـه = ارسلت للقلـب مـازاد ارتجاجـه العلاج بغضهـا عـن كـل ميلـه = الرجل يعرف قبل يدخـل خراجـه اربعه فالشـرع ماهـي فالقليلـه = من يحول عن شـداده فالحداجـه الشـراب مـن القـراح ولايبيلـه = عارفين(ن) وش فرقه عن هماجه لايغـر الادمـي مالـه وحيـلـه = حيلته ماتنفعـه وقـت المواجـه الله الله الله اخوي مضحي بن جمران هذه القصيدة رغم قصر ابياتها اعتبرها معلقة حق لها ان تكتب بماء الذهب ابدعت ابدعت ابدعت .,,,,,,,,,,,,,

لاهنت ياعزيزي الشاكر ابوسامي ولاعليك زود في كل جزله لك جزاله وهذه الشهاده وسام فخر ونوماس توجتني به الله يطول عمرك وهي فوق استحقاقي والعين ماتعلا على الحاجب اشكرك جزيل الشكر والله لايهينك

فالبشر صاحين وبه ناس(ن) عليله=كم هبيل(ن) ماضي الشذره علاجه
ومزلج الشيبان ماني فـي وكيلـه=لاغدا مع درب غـادي فالعجاجـه

	الله الله الله صح لسانك يالبناخي جزلة من جزل

	المشاركة الأصلية كتبت بواسطة حسين المعمري

	فالبشر صاحين وبه ناس(ن) عليله=كم هبيل(ن) ماضي الشذره علاجه ومزلج الشيبان ماني فـي وكيلـه=لاغدا مع درب غـادي فالعجاجـه الله الله الله صح لسانك يالبناخي جزلة من جزل

صح بدنك ولاعليك زود والاجزل تواجدك النير ومرورك لاهنت يالغالي

صح السانك مضحي وبيض الله وجهك قصيده جزله الله يعطيك العافيه

	المشاركة الأصلية كتبت بواسطة جريح الفرقا

	صح السانك مضحي وبيض الله وجهك قصيده جزله الله يعطيك العافيه

صح بدنك يابو فواز وجهك ابيض ولاعليك زود والله يعافيك والشر مايجيك واشكرك على المرور سلمت يالجريح

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح السانك قصيده جميله وبهامفردات رايعه
- من غزاه الشيب يقنع في حصيله -
كليمه مهمه جد يجب علينالستفاده منها

صح لسانك

كلماتك غايه في الروعه

أحييك على هذه القصيدة المتميزه

دمت ودام شعرك وبوحك