قال أبو نوره ومـن قـال مـا هـان

السلام عليكم ورحمة الله وبركاته
طبيت منتديات أحد الأسهم ولقيت الناس اتشكوى منها وأعجبتني
جملة لمحلل أسمه أبو نور يقول ( خسران من راهن على أسهم هابطه )
وقلت تضا مناً معهم :

قال أبو نوره ومـن قـال مـا هـان=وأنا اشهد إنـه لابـدا علـم يحمـاه
خسران من راهن على سوق خسران=خسران من ساسه ليـا حـد منهـاه
الله من بيـتٍ علـى غيـر سيسـان=جدره قصير وكل مـن جـاه يرقـاه
انهار سقفه ما بقـي غيـر جـدران=من ضعف عمدانه على ضعف مبنـاه
تكفى يا أبو متعب ترى الدرب ريعان=والعلـم لاجـاء مثلكـم مـا تـعـداه
الناس راحـت بيـن دايـن وديـان=نهارذل وهم فـي الليـل مـا أقـواه
قالـو تـوده قلـت ياسـاع مـازان=لو باكرهه ما أقوى على القلب يبغـاه
وأنابخيري ما مدحـت علـى شـان=أبقـى أتقـرب مجلسـه وأتغشـاهـا
لكن توخيـت النقـا ذرف الأيمـان=والحكـم مـا غيَّرعلـى الصقرمبـداه
ولو ما الله اللي راد ما كان ما كـان=سبحانه اللـي نـور العبـد واهـداه

وســلامتـكــــــــــــــم

وانت سالم وصح لسانك اخوي لافي والله يعين المحاربين

صح لسانك اخوي لافي ...
يعطيك العافيه ... على القصيدة الرائعه....
لا عدمنـــاكـ ...
اخيك ابوروان

صح لسانك وعلي شانك مشكور على القصيدة

قصيدة رائعه ومعن رائع

صح لسانك وعلي شانك

ولو ما الله اللي راد ما كان ما كان
سبحانه اللي نور العبد واهداه

الأخ لافي

بيض الله وجهك وصح الله لسانك

رائعه من رائع

الله يعطيك العافيه

ويعوض الخاسرين خير ان شاءالله

تقبل تحياتي

ودمت بخير

صح لسانك وعلي شانك مشكور على القصيدة

صح لسانك وعلا شانك ..
يعطيك العافيه على القصيدة الرائعه ...
بيض الله وجهك ..
دمت بخير .

صح لسانك

وسلم بوحك

وعطاك الله العافيه

أبدعت يالشاعر

صح لسانك ... بوووح راقي

دمت ودام نبض قلمك