يا قمر في كل ليلة انتظر طلت جبينك

22-10-09, 05:19 AM

يا قمر في كل ليلة انتظر طلت جبينك=كل ما طال انتظاري عدت مقطوب الجبيني
غايتي لا مر طيفك افتكر رقة يدينك=لوأعَرْف أنه خيالك صعب تلمسه اليديني
وأعرف أني عشت ذكرى باقية بيني وبينك =وأعرف أن الحبل قطعه صعب ما بينك وبيني
وأدري أني كل غالي أستمده من يمينك=وأدري أني في العطايا قاصرة دونك يميني
وأدري أن العمر كله كنت أسكن نون عينك=وأدري أني ما جزيتك لو عطيتك نون عيني
وأدري أني في غيابك ما وفيت بكل دينك=وأدري أني في رحيلك ماقدرت أوفي بديني
لا تقلي وأين أنت ...أدري أنك أنت وينك=أنت غادرت الديار ولا أدري أنا كنت ويني
تهت أنسج في خيالٍ مستعيره من سنينك=وضعت أبحث عن أماكن جمَّعتنا من سنيني
كل مانسنس نسيمٍٍ قمت أفكر في حنينك=يم دارٍ كل ما ابعد عنه رجعني حنيني