طول بالكم

بسم الله الرحمن الرحيم







السلام عليكم ورحمة الله وبركاته


كل عام وانتم بخير

هذا النص كتبته في صاحب عزيز على اتصلت على يوم العيد بعايد عليه وتفأجئت ان رقمي ماهو عنده
وطلعت معي هذي الابيات واتمن ان تنال رضاكم

اخوكم فايز ال محيسن


اقول فيها


لا تظيق يابو سيف و يجيك أكتأب
خل الكلام اسمع وطول بالكم

مابيني و بينك مصافيف و حساب
حتى ولو زعلان من افعالكم

ادمح لك الزله ولو كبر الهضاب
تصغر في عيني كلها وتفدا لكم

اخوان كنا في رياعين الشباب
واليوم مدري ويش غير حالكم

انت و انا اخوان يامال الذهاب
لا ويش ماسح رقمي من جوالكم

مسحت رقمي بالغلط ولا عقاب
ارجوك قلي ويش مني جالكم

ولا مسحت الرقم من طول الغياب
ظقتو علي من حالكم في حالكم

انا ادري ان بليس مايكب الخراب
لا يكون حرظكم علي واغوالكم

ياكبرها وانت من اصحاب الجناب
ومنزالكم فالقلب مايخفى لكم

اشوفكم عندي على متن السحاب
حتى ولو طول غياب ازوالكم

والا الردي خله عسا ياكل تراب
مايسوى عندي حتى شسع نعالكم

لجل الذيابه ماتخاوي للكلاب
اولىلنا انتم وحنا اولىلكم

لا تظيق وتبرطم وتعطينا جناب
ويا صاحبي لاتقول مال ومالكم

يربطنا شي/ن يجري في جوف الرقاب
انا بناخيكم وجدي خالكم

أذكرك منهو انا يابو الشباب
ولا اسكت احسلي بعد وشوىلكم

بيت القصيده جاك في صدر الكتاب
يوم البروق تلوح جوف خيالكم

لاتطرد الدنيا ترا الدنيا سراب
فدار الغرور اصحى تضيع اعمالكم

خل الوفا والطيب دايم لك زهاب
ولا تسمعو لبليس كان اوحى لكم

معزتك فالقلب تبقى ياذياب
لوإنه اسمي ماهو في جوالكم

أدعي ألهي فالذهاب و فالإياب
يحفظ لكم اموالكم وعيالكم

ويدخلكم الجنه بدون ايأ عذاب
و حنا معاكم جالسين اقبالكم



وسلامتكم

صح لسانك واعتلا شانك

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح السانك لاهنت

ولاهان منطوك

صح لسانك وسلمت كلك

ولاهنت ولا هان منطوقك

الشاعر
فايز المحيسن
صح لسانك وعتلا شانك

صح الله لسانك
ولاهنت
وسلم فكرك وبنانك
دمت برعاية الله وحفظة

صحت ابدانكم جميعا

وشكرا على مرورك الذوق ياقمة الذوق

الشاعر الكبير فايز محيسن


صح السانك وسلم بنانك
اماكلمة رقمك معي او ماهو معي
فهاذي والله لهى ردة فعل مهما جالها امبرر مثل انمسحت الارقام ضاعة الشريحه من هلقبيل
ولاكن لازم تلتمس عذر لمن يستحق العذر
وسلمت وصح السانك مرةً اخرا