القصيده موجهه للشّاعر فوّاز الزّويهري(ومن لديه تعليق يفيد القاريء لايتردد)

08-06-13, 05:17 PM

/
/
/
/
/
/
/
/
/
/
/
/

فوّاز اعرفه زين ماهو بهرّاج=رجل ٍ رزين وذوق راعي بصيره
راعي وقار وسمح مايعقد احجاج =محشوم ضيفه ويتهنَّى قصيره
من ينشده يلقى بجابته مخراج=للبال بعد انّه بلش وسط حيره
ياداهيه بتّاع للضّيق فرّاج=في نشدته يرتاح من يستشيره
هل صدق يافوّاز في علم الابراج=كلاً حسب برجه يحدّد مصيره
هذاك برجّ الحضّ له نور وهّاج=وهذاك فيه النّحس لنّاس طيره
ولاّ خرافه سيطرة في عقل داج=ويسوقها دجّال نفسه شريره
واهل الفلاحه برض طيبه والافلاج=حسب النّجم زرع النّخل والشّعيره
والبعض فهلّ الهند مايحصل ازواج=إنكان مابالنّجم طابق خشيره
والله ذكر فكتاب لك خير منهاج=مواقع ٍ للنّاس حاجه مثيره
فيها جدال يدور كم يحصل احراج=ومن يملك الحجّه ايحيّر نظيره
وقال الخليل ابدون لايطلب اعلاج =بعد نظر فالنّجم حالي خطيره
جاوب على النّشّاد يابير هدّاج=واسقيله افكاره بحاجه منيره
وآمنت باللي منزل ٍ ماء ثجّاج=الواحد اللي عالم ٍ بالسّريره

الشّاعر / خالد بن عبيد بن معتوق ألأحمدي