سلًم على نيوتن وقانون باسكال

الفرق واضح بين مخلص ومحتال = فرق السًما عن ارض ربي وسهلها
مايجحد المعروف ياكود الانذال = وحنا نجازي كلً حسنه بدبلها
يالغامدي يجزاك ربي بالاعمال = في جنًة المولى وتشرب عسلها
ون كان تنشدني عن العمً والخال = من لابتن شيخ العرب ماجهلها
لنا في وادي الحمض تاريخ وافعال = تشهد ديار القوم ويشهد جبلها
وتشهد جهينه ياصحيبي بالاقوال = وتشهد بني وايل ويشهد جملها
فرسان فوق الخيل شجعان وابطال = يوم الضعيًف ناقته ماعقلها
يلحق عدوً القوم بالحال خيًال = وردَ الثَمان وجاب عشره بدلها
ويمدح فعوله من يغنًي بالامثال = وتعشق به العذرا وتعلن خجلها
ولو مات ذكره حيً مع كل الاجيال = في كلً مجلس قصًتن مع بطلها
جدًي حميًر راعي الصًيت مازال = يبقى فخر والنًار تذري اهلها
من قبل حكم سعود ياطيًب الفال = لين اصبحت دنياك للمدح ولها
والشًيخ بن متروك بألفين رجًال = له دلًتن عن جمرها ماعزلها
حلًالها لاعقدت حبال بحبال = من طيب راسه كلً قومن وصلها
ربعي نهار الطًيب دله وفنجال = ولاً نهار الضًيق تعلن زعلها
متكاتفين عيال وشيًاب واطفال = ولاً القطيعه ماعرفنا عملها
دكتور لاتنشد هواوي عن الحال = شاف الهنوف اللي كثيره خصلها
تلبس من اللًولو على الصدر سلسال = والخدً ورده مزن ربي غسلها
لاوالله الا زلزل القلب زلزال = وهاضت مشاعر شاعرن ماغفلها
وشلون ابجلس بين دفتر وفرجال = واحلام قلبي ياصحيبي شعلها
ومعادلات معقًده قصار واطوال = وزني على القيفان ماوزن لأجلها
سلًم على نيوتن وقانون باسكال = رزق الخلايق عند ربًن كفلها
اعطيتك الموجز عسى يشرح البال = هذا جواب الحال للي سألها

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

صح بدنك ووجهك ابيض ويشرفني حضورك المستمر نورت الصفحه تحياتي لك

صح لسانك

قصيده وافيه من شاعر وافي

سلمت ولاهنت

	المشاركة الأصلية كتبت بواسطة عنبر ينبع

	صح لسانك قصيده وافيه من شاعر وافي سلمت ولاهنت

صح بدنك ونورت الصفحه بحضورك تحياتي لك

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك لاهنت على التواجد المستمر يعطيك العافيه

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك مشكور على مرورك دمت بخير

حرف مميــــــز .. حضور مميــــــز .. واسم مميــــــز

صح السانك

	المشاركة الأصلية كتبت بواسطة الكنترول

	حرف مميــــــز .. حضور مميــــــز .. واسم مميــــــز صح السانك

حيًاك الله وصح بدنك لاهنت على المرور المشرف