نادوا الشيخ أبن هذال يشعب حصانه( صياف و خلف بن هذال)

نادو الشيخ ابن هذال يشعب حصانه=فيه علم ٍ جديد وفيـه حاجـه غريبه
قالو انه مع العربان مطلق لسانه=كل ما مر له وادي لصق في شعيبه
جاك فوق الحصان اللي طويل ٍ عنانه =في مداهيل حرب مسرحه من عتيبه
والسنتنـــا لها فالحق فرض وظمانه=ما نسوق الشباري في العظام الصليبه
حرب لا جوك قلبك يختلف من مكانه= ثم قلت ارحموني ويش هذا المصيبه
انت مثل البعير اللي تغيّـر زمانه=قام ياكل سنامه من رداوة نصيبه
حرب عندي دواهم خانة ٍ فوق خانه= لقمة ٍ بالرضى يا حرب والا غصيبه
والجمل يا حريبنا وسيع ٍ بطانه=كل ما طالت السبطه يندح حريبه
انت غافل تحسب الناس مثل اللبانه =ما دريت ان بندقنا تصيب الظريبه
انت رجل ٍ لعين وما تكب اللعانه=كل ما شفت لك واحد غريب تعدي به

الاخ فارس عوف
لا هنت على النقل الرائع
تحياتي ،،،،،،،

فارس عوف بيض الله وجهك على المحاوره

ألف شكر على المحاوره
يعطيك العافيه ...
تحياتي .

يعطيك العافية و بارك الله فيك

اخوي فارس عوف الله يستر عليك دنيا واخره
ولا تقطعنا من درر شاعرنا الكبير الله يشفيه

لقدير / فارس عوف
شكرا لك
والف نعم بشاعرنا الذي لن يأتي مثله احد
واحببت ان اضيف المحاوره كامله :


صياف
نادوا الشيخ ابن هذال يشعب حصانه
فيه علم جديد وفيه حاجه غريبه
قالو انه مع العربان مطلق لسانه
كل مامّر له وادي لصق في شعيبه



خلف
جاك فوق الحصان اللي طويل عنانه
في مداهيل حرب مسرحه من عتيبه
والسنتنا لها فالحق فرض وضمانه
مانسوق الشباري فالعظام الصليبه



صياف
حرب لاجوك قلبك يختلف عن مكانه
ثم قلت ارحموني ويش هذي المصيبه
انت مثل البعير الي تغير زمانه
قام ياكل سنامه من رداوة نصيبه



خلف
حرب عندي دواهم خانة فوق خانة
لقمة بالرضا ياحرب والا غصيبه
والجمل ياابن حرب واسعات ابطانه
كل ما طالت الشٍطه ينزّح حريبه



صياف
انت رجلن لعين ولاتكب اللعانه
كل ماشفت لك واحد غريب اتعديبه
لو تقدر عليه من امس قضيت شانه
مار ما اظن عندك درهم تشتريبه



خلف
ليت لك في بلد جازان دار وحضانه
حيث فيك الوصوف من التهامي قريبه
لاتحدد سنونك ياوليد السمانه
لي مخالب طوال ولي كفوف عطيبه



صياف
انت امانه وحنا مانغش الامانه
دام هذي علومك فيك شكه وريبه
ليه تترك صلاتك ياقليل الديانه
مادريت ان جمر القبر تحت النصيبه



خلف
صون امانتك واحرصهاا برفق الصيانه
واحلب العنز وابن التيس حرم حليبه
ابن عمك طبوعه قشر واسمه عفانه
كل ماغاب نجم بالسما ينسري به



صياف
صنتها صون مسلم مايعرف الخيانه
مار بعض الاوادم علة يندعي به
انت شاوي غدت معزاه في وسط ضانه
عقب قفى شبابه مابقى غير شيبه



خلف
حط للرجل عن شوك الهراس البطانه
داخل لك حمى مجهول ماينمشي به
لو تضيع الغنم مانيب فأرض الكنانه
نجد اببطش بحصنيه واضيق بذيبه




صياف
تعرف اني ذهين ومن رجال الذهانه
والله ان الشراب الحلو ماتهتني به
اعرف الشجرة الي تنبت البرتكانه
ثم عقب العشاا قفل عليها الزريبه




خلف
اعرف انك ولد شيطان منبع شطانه
سكنتك ماتجيك الا ونا في مغيبه
ودي اصدع بهذا الضلع واخلف كيانه
لين اهجدك والفيران ماتلتجي به



صياف
من يهين العرب يبشر بكثر الاهانه
انت غايب ونا ادورك مثل الذهيبه
انت غوار والا واحد من خوانه
تحسب ان الجبل يطلب ويرضي طليبه



خلف
اعرف اني عذاب المشتهي وامتحانه
وانته اللي تودي علم والا تجيبه
قمت تطرق لسان كنه الخيزرانه
ضاع وصفك بعد نصفك بغيت اتغدي به

الاخ فارس عوف
لا هنت على النقل الرائع

فارس عوف بيض الله وجهك على المحاوره

	المشاركة الأصلية كتبت بواسطة ابن بصيص (الكخ)

	الاخ فارس عوف لا هنت على النقل الرائع تحياتي ،،،،،،،

مشكور على مرورك يا ابن بصيص