قصيدة لصياف الحربي في (الحكمه)

08-03-07, 09:59 PM

ياله ياخلاق جلاب الارزاق=ياواحدأ فوق السموات عالي
اطلبك يامعبود ياطيب الجود=يامنشي الما من صحيح الخيالي
ماغيرك اللي له نصوم ونصلي=ولا غيرك اللي ينتظر في الحوالي
اطلبك تحمانا وتغفر خطانا=ويارب تهدانا لدرب الحلالي
ياخالق الابحار في كل الاقطار=وفرقتها بالذوق مرأ وحالي
اغفر لنا الزلات في كل الاوقات=واحلم علينا ياعزيز الجلالي
النفي مياله لغير العداله=وانت الذي تعصم نفوس الرجالي
دربأ يهين الروح مافيه مصلوح=والرجل مايخطي دروب العدالي
واللي يبا يرتاح في وقت الاياح=تقضي حياته ماكسب راس مالي
ومن رافق الاجواد للخيرينقاد=ينقاد للعزه وخضر الليالي
ومن رافق الانذال ماوب رجال=ايضأ ولا يحب حساب الرجالي
هذا وانا للقاف حطيت ميقاف=من شان اقول الطاري اللي طرالي