لقيت غيرك يشب النار بزنادك

ان طاب حضك ولد قدام ميلادك = وجيت ولقيته مزين كل الاوضاعي
خلاك للخير مصدارك وميرادك = وان نمت ما نام مثل الحارس الواعي
ويصيد لك رزق شخصاً يحسبه صادك = مايدري انه لحضك ظمن الاطماعي
وان كان ماطاب حضك شبت مافادك = خلاك تركض وتخطي درب الاسناعي
يذن للامساك توه ماستوى زادك = ويذن للافطار لازاداً ولا داعي
ولقيت غيرك يشب النار بزنادك = وانته الدور مع المحتاج ولاعي
ويالعبد رزقاً به المعبود مارادك = ما تاخذه لو جميع الناس فزاعي
كل ما تمد اليمين الوافيه كادك = وغيرك يطوله لو انه قاصر الباعي
وان راد لك خير ما ردوه حسادك = لوكلت بالمد والحساد باصاعي
ولو هو على جودك اوماجودك اسعادك = بعض الرعيه تموت ويسلم الراعي
ولاجاك ما ربعه اغنا المجتمع زادك = ما راح وانته ما مثلك واحداً جاعي

الشاعر الجزل

عامر الحربي

صح لسانك وعتلا شانك

قصيده جزله من جزل

ياخوي الحض مشكلته مشكله

انا دايم معي يصيبه تقطيع ورجه

مالقيت له علاج
ههههههه

	المشاركة الأصلية كتبت بواسطة سعد المحمدي

	الشاعر الجزل عامر الحربي صح لسانك وعتلا شانك قصيده جزله من جزل ياخوي الحض مشكلته مشكله انا دايم معي يصيبه تقطيع ورجه مالقيت له علاج ههههههه

صح بدنك ورفع الله قدرك
والجزاله بحضورك الرائع
وانت طيب وحظك انشاء الله طيب
والتقطيع والرجه امرها هين لاصار الدعوى ماهي تخبيط
الله يحمانا وياك وجميع المسلمين

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك ودام حضورك الرائع
وسلم ذوقك
لاهنت حفظك الله اين ماكنت

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك ولاهنت
اسعدني وشرفني
هذا المرور الرائع
حفظك الله ورعاك

كل عام والجميع بخير وعساكم من عواده

صح السانك ودام عزك وبيض الله وجهك

قصيده في غاية الروعه والجمال الله يعطيك العافيه

دمتم على العز والتقدير

	المشاركة الأصلية كتبت بواسطة وليف الشوق

	كل عام والجميع بخير وعساكم من عواده صح السانك ودام عزك وبيض الله وجهك قصيده في غاية الروعه والجمال الله يعطيك العافيه دمتم على العز والتقدير

كل عام وانت والجميع بصحه وسلامه وعادت عليكم الاعياد
اعوام عديده وسنين ومديده
صح بدنك ولاهنت على مرورك الرائع والمشرفه الذي يكتمل
به الجمال حفظك الله ورعاك

صح لسانك وسلم بنانك



قصيدة رائعه بروعة حضورك



لك تقديري