سفك الدما يالشله المنحرفه

الليله الحفل الكبير الهايل=برعاية اللي له مقام وغالي
قام يتزايد فى حضوره نوره= كلام من كل المبالغ خالي
فهد ولد تركي عريب المنسب =ساس الملوك مزبنين الجالي
يامير يامير السعد والحنكه= لين بحال وحال حد سلالي
ياسيدي نرجوك تسمح ليه= اذكر كلامٍ ماعليه اجدالي
نهضت بالوحدات ياقايدها=اليوم فيها تضرب الامثالي
سد الشواغر نصب عينك دايم=من شانها بذلت جهد ومالي
وحطيت لتدريب وقت وخطه =دايم على راس المعالي عالي
جهودكم ياسيدي ملموسه= ترفع لك البيضاء على مطالي
ابوك تركي والنعم بالوالد=معربٍ مابين جد وخالي
تركي ولد صقر الجزيره تركي=لضد ضد والصديق موالي
ياعل شايب خلفه للجنه=يوم النشور وزنة الاعمالي
عبد العزيز اللي بسيفه وحد= الدار وانهى كل شكل اقتالي
بالسيف والشلفا وقوة باسه=وتوفيق من ربٍ علينا والي
بعده عياله كملوا بنيانه=بيض النوايا للحمول جمالي
من فضل ربي ثم فضل اعياله= عم الرخا النزال والرحالي
وعن منطقتنا ياقلمنا عبر=بقياده اللي للعقد حلالي
قايد محنك كلمته محسوبه=ماهمته شهره وقيل وقالي
لاعدو القادات يذكر باسمه= ان جاء مجال لسيرة الابطالي
ياعيد فيك المنطقه محضوضه=قايد حكيم وبالخطر متبالي
رجال دين ولك قبول وهيبه= وقت المزايد تشرب الفنجالي
ياخادم البيتين سمع وطاعه= يالشجره اللي للجميع ضلالي
دونك على حوض المنايا نارد= لو دمنا من كل عرقٍ سالي
ان كثرة الاحداث حنا نبقى=وافين مانتبع هواء الجهالي
لانفعل الفتنه والا نيدها=حب الوطن بقلوبنا مازالي
دون العقيده والملك والموطن= ماعندنا غير الرصاص الصالي
يازمرة الارهاب حنا دوله= دستورنا القران يالانذالي
على الشريعه نهجنا والسنه=يالخارجين بكل حال وحالي
سفك الدما يالشله المنحرفه= وتغرير بالجهال والاطفالي
أشد جرم ومايقره عاقل= الدين واضح والهبال هبالي
من بعد ماقلت الكلام الصائب= يامرحبا بالجلسين اقبالي
ترحيب حالي مثل طعم السكر= واحلا حلا من كل شيٍ حالي
تكريم نخبه بين فرد وضابط=من السلف تبقى مع الاجيالي
تكريمهم واجب علينا واجب= حيث التواصل بيننا مازالي
منهم تعلمنا وفيهم نفخر=رمز الفخر يوفون بالمكيالي
كل الخلف لسلافنا مديونه= في سلم والا في نهار أقتالي
لو عنهم اكتب فضلهم محصيته= الشرح عنهم يالنشاما طالي
حضورهم زاد الغلا والخوه=عسى السعاده لزملانا فالي

صح لسانك على القصيدة الوافية يابو تركي وعاداتك الجزالة والقصايدة القوية


تحياتي وتقديري

الشاعر القدير ابو تركي صح لسانك بارك الله فيك

	المشاركة الأصلية كتبت بواسطة فايزموسى البشري

	الشاعر القدير ابو تركي صح لسانك بارك الله فيك

الشاعر الجزل
فايز موسى البشري
صح بدنك وبيض الله وجهك
على المرور الاجمل

	المشاركة الأصلية كتبت بواسطة شأس نجد

	صح لسانك على القصيدة الوافية يابو تركي وعاداتك الجزالة والقصايدة القوية تحياتي وتقديري

الكاتب المميز
شأس نجد
مرورك يابن العم الغالي تاج على راسي
الله يبيض وجهك
تقبل تحياتي وتقديري

الله الله الله
ابوتركي في كل مجالات الشعر(انت)قمّه
صح لسانك يافيلسوف ودام ابداعك
ماكتبت في عالم الجزاله لهُ مكان واضح
وهذا من عوايدك سلمت ودمت ودام نبض قلمك
اللذي تسطرلنا به حروفك ..هذا موجزعنك واقل من الموجزياكبير
وسامحني عن التقصير

اجمل تحياتي لك يابوتركي

	المشاركة الأصلية كتبت بواسطة تركي العماني

	الله الله الله ابوتركي في كل مجالات الشعر(انت)قمّه صح لسانك يافيلسوف ودام ابداعك ماكتبت في عالم الجزاله لهُ مكان واضح وهذا من عوايدك سلمت ودمت ودام نبض قلمك اللذي تسطرلنا به حروفك ..هذا موجزعنك واقل من الموجزياكبير وسامحني عن التقصير اجمل تحياتي لك يابوتركي

ابو الجوهره
الشاعر العذب
تركي العماني
مرورك والاشاده منك يابن العم الغالي
تبقى وسام على صدري
وماعليك زود لاهنت على مرورك الاجمل والاروع

الاخ العزيز

والشاعر الكبير


سعد المحمدي



دائما والجزاله والابداع والتميز لا تستغرب من شاعر بحجمك يابو تركي

ودائما وانت غني عن التعريف وكل متابع للشعر يشهد بذالك فلله درك

ويكفي ان اختصر واقول صح لساااانك مليااااااااااار ولاتكفي

على هذه القصيده اللي تبيض الوجه وعادتك مجمل يابن العم

وأدام الله عليك نعمه الصحه والابدااااع









تقبل تقديري واحترااامي لك

صح لسانك مليون على القصيدة الوافية يابو تركي
وعاداتك الجزالة والقصايدة القوية


تحياتي وتقديري

	المشاركة الأصلية كتبت بواسطة مساعد الجليدي

	صح لسانك مليون على القصيدة الوافية يابو تركي وعاداتك الجزالة والقصايدة القوية تحياتي وتقديري

الشاعر الجزل
مساعد الجليدي
هلا وغلا يابن العم الغالي
شرفني مرورك الراااااااااااائع