ابراهيم الحردي(قال احبك قلت انا من كثر حبي لك غريب)

14-10-11, 08:17 PM

قال وقلت

قال:اسف قلت :ما في اي داعي يـ(الحبيب)..
لا تأسف وانت في عيني تسوي لك بلد..

قال:احبك قلت: انا من كثر حبي لك غريب!!
ساكنٍ قلبي وروحي يا حبيبي للأبد..

قال:افهم قلت :انا لاجلك ذكي مدري لبيب..
أفهم النظره من عيونك لو السانك صمد!!

قال: وينك قلت: انا في وسط عينك ما أغيب..
وسط عيني مثل ظلي يا حبيبي وش بعد؟؟

قال: انادي قلت: مالك غير قلبي من مجيب
يسمعك بــ(احساس) نبضه ما وصل مثله أحد

قال:تحضني وقلت: اقرب من عيوني قريب..
في شتايا لي دفأ وفي مصيفك لك برد..

قال:انا مجروح قلت: انا ترا لاجلك طبيب..
حسبٍ لك كل جرحٍ يا حبيبي بــ(العدد)!!

قال:رمحك قلت: رمحي غير حبك ما يصيب..
لو تعرف القوس قوسك كل رمحٍ لك شهد!!

قال:توعدني وقلت :اوعدك ظنك ما يخيب..
لو تموت بتسكن بقلبي وهذا لك وعد..

قال:خايف قلت: عهدٍ ما تنسا لو أشيب..
انت عاهدني وهذا يا حبيبي لك عهد!!

قال: أمر قلت: ابشر مابقي شئ صعيب..
قال:اسأل مثل مسأل وانت لي وجه السعد..

قلت: انا بسألك نفس الاسئله؟ ليتك تجيب..
قال: نفس الاجوبه روحي وروحك في جسد..

هذي رد علي شطر واحد لشخص محبوب لدي

اخوكم
ابراهيم الحردي