مكحولة العينيـن والعنـق منتـوق *** ملهوفة السرجوف مبرومة السـاق

السلام عليكم و رحكة الله وبركانه
.
.
وجه الاخ تركي الشدادي هذه القصيده .

يالشاعر المبدع لك أبياتي أسوق=حيثٍ مثلك يفهم الشعر لاساق
يامحمد أنا ضعت في حب مخلوق= ربي عطاه من الحلا كل مالاق
من أخمس أقدامه إلى الراس من فوق = ماهو جليل وهو نحيّّّف دقاق
ذوقٍ(ن) على ذوق(ن) وذوق(ن)على ذوق=جامع جميع جموع جملات الأذواق
له هرجةٍ تدخل على القلب برفوق=بلسم شفاء يطغى على كل الأعماق
وله مبسمٍ ياخذك لاقصى مدى التوق=وله شفةٍ تروي عطش جف الأرياق
له طلة أبهاء من أملاك فاروق=اللي لوت بالشرق عدلات الأعناق
متناغم الخطوات ماهو بمطفوق=مشيه تقل يمشي على عزف دقاق
اليا نطحته ينطحك نور وشروق=ولياقفيته أدهم الليل منساق
سبحان ربٍ حط في خلقه فروق=سبحان من سواه سبحان خلاق
أشتاق له لو هو سكن داخل الموق=دايم وأنا لمعذب القلب مشتاق
علمي وحلمي والوله عند معشوق=صارن رهينات وسط كف الأشواق
عشقه سرى مابين شريان وعروق=عشقه كما دمي مع العرق ينساق
هو كل تركي وآخذ الطاق مطبوق=هو كل دنيايه مواصيل وفراق
من العناء والشعر والحب والذوق=كتبت لك ياصاحبي كل مالاق
كتبت آخر سطر في سر معشوق= القصه اللي سطرت حب عشاق.

.
وهاذا ردي عليه

بعداد تـال الليـل مالاحـت بـروق = وألذ من طعم العسـل يـوم ينـذاق
ولا درير اللي رعت نبـت زملـوق = وضحآ بكر هي شف راعين الاذواق
في مرتعآ ماطبـه الا هـل النـوق = وشهب الجيوب اللي تباري لها نياق
وضحآ مفاليهـا بشعبـان ساحـوق = الديره اللي حبهـا وسـط الاعمـاق
حييت ياللي من هوا الترف مزنـوق = يانادرآ ماكرك فـي راس شوهـاق
يمناك ماهي يابن الاحـرار للعـوق= يالمغرم الهايم بموجـات الاشـواق
قبلك ترى قلبي من الخشف مسروق= طردتهن حتى شكى القلب الارهـاق
ذكرتنا باللـي لهـا هزنـا الشـوق = شوق الضوامي لالمحوا ضوح براق
مكحولة العينيـن والعنـق منتـوق = ملهوفة السرجوف مبرومة السـاق
اللي طراخمها تقل ريـش غرنـوق = شقرا الجديل اللي على الردف منساق
راعي نهودن منهن الجيـب مفتـوق = اللون لون الثلج والملمـس رقـاق
والعين عين اللي بدى راس شاهوق = حرآ وحش للجول ساطـي ولحـاق
من اللبس بعض اطرافها تقل مخنوق = واسع ولكنه علـى اردافهـا ضـاق
غيدآ لها بالمجتمـع قـدر مرمـوق = ومن دونها سيفآ يقص اقسى الاعناق
ماتغازل العشاق في ساحة السـوق = فيها الحيا ممزوج مع غنج واخـلاق
من عقبها كني على الوجه مصفوق = اثر الغـلا ياخـوك ماهـو بينطـاق
اقفت ضمى ونا على شوفهـا اتـوق = وانشهـد ان الحـب للحـال سـراق
ريمآ غلاها طوق القلب فـي طـوق = تطويق ساق الحر الاشقر بمسبـاق
لعيونهـا ياكثـر ماجـر طــاروق = وياكثر ماارخيت القلم فـوق الاوراق
حصل الفراق ولا انطفت جمرة الشوق = الله يسهل دربهـا بحسـن الاوفـاق
إن كان خلك دونه إمقاضـب حلـوق = الوقت ماهـو وقـت بنـدق وتفـاق
ماهي رخامه ميـر للعالـم احقـوق = والكـل منـا لـه مـع الله ميثـاق
الروح من دونك ترى نسوقها سوق = لوهي بوقت اللي لها ريش وحـلاق
الخيل تسرج وأبلج السيـف مذلـوق = وإلك انتعزوى بيوم نشفات الاريـاق
وكان إنه بجاه الرياجيـل (ملحـوق) = والمـال لوهـو بالملاييـن ينسـاق
وعداد مابروس النخل مالت اعـذوق = اقبـل سلامـي عـد ماهـل دفـاق
وكم واحدآ من لوعة الحب مرهـوق = بدنيـآ عوايدهـا تجمـاع وفـراق

ا رجو ان تنال الرضى من الجميع

الأخ الكريم
محمد بن عبد المحسن البدراني
السلام عليكم ورحمة الله وبركاته

صح لسانك
على هذا الإبداع
وصح لسان تركي الشدادي

الاخ الشاعر محمد عبدالمحسن البدراني

صح الله لسانك وبيض الله وجهك

وصح الله لسان الاخ الشاعر تركي الشدادي

عزالله انه عرف من ينصا واسند على اللي لشدايد وقيده

بيض الله وجيهكم

والله يعطيكم العافيه يالغالين

ودمتم ودام ابداعكم

تقبلوا تحياتي وتقديري

الشاعر / محمد البدراني

صح لسانك ولاهنت

رد وافي جزل وكافي

وصح لسان الشاعر تركي الشدادي

تقبل خالص التقدير

الشاعر / محمدعبد المحسن البدراني

صح إلسانك مليون ولاهنة يابو عبد الله

وصح السان الشاعر تركي الشدادي

وتقبل احترامي وتقديري

السلام عليكم..


هلا فيك أخي الكريم الشاعر


محمد البدراني


الله يعطيك العافية على هذه القصيدة الرائعة


صح لسانك ولسان الشاعر تركي الشدادي..


لكم التحية والتقدير..

الاخ الشاعر محمد عبدالمحسن البدراني

صح الله لسانك وبيض الله وجهك

وصح الله لسان الاخ الشاعر تركي الشدادي

بيض الله وجيهكم


تحياتي لك

صح السانك يابوعبدالله

ابدعت يالنشمي

يامال الغنيمه انت

يعطيك العافيه يالغالي

اخيك ابوروان

	المشاركة الأصلية كتبت بواسطة محمد عبدالمحسن البدراني

	السلام عليكم و رحكة الله وبركانه . . وجه الاخ تركي الشدادي هذه القصيده . يالشاعر المبدع لك أبياتي أسوق=حيثٍ مثلك يفهم الشعر لاساق يامحمد أنا ضعت في حب مخلوق= ربي عطاه من الحلا كل مالاق من أخمس أقدامه إلى الراس من فوق = ماهو جليل وهو نحيّّّف دقاق ذوقٍ(ن) على ذوق(ن) وذوق(ن)على ذوق=جامع جميع جموع جملات الأذواق له هرجةٍ تدخل على القلب برفوق=بلسم شفاء يطغى على كل الأعماق وله مبسمٍ ياخذك لاقصى مدى التوق=وله شفةٍ تروي عطش جف الأرياق له طلة أبهاء من أملاك فاروق=اللي لوت بالشرق عدلات الأعناق متناغم الخطوات ماهو بمطفوق=مشيه تقل يمشي على عزف دقاق اليا نطحته ينطحك نور وشروق=ولياقفيته أدهم الليل منساق سبحان ربٍ حط في خلقه فروق=سبحان من سواه سبحان خلاق أشتاق له لو هو سكن داخل الموق=دايم وأنا لمعذب القلب مشتاق علمي وحلمي والوله عند معشوق=صارن رهينات وسط كف الأشواق عشقه سرى مابين شريان وعروق=عشقه كما دمي مع العرق ينساق هو كل تركي وآخذ الطاق مطبوق=هو كل دنيايه مواصيل وفراق من العناء والشعر والحب والذوق=كتبت لك ياصاحبي كل مالاق كتبت آخر سطر في سر معشوق= القصه اللي سطرت حب عشاق . . وهاذا ردي عليه . بعداد تـال الليـل مالاحـت بـروق = وألذ من طعم العسـل يـوم ينـذاق ولا درير اللي رعت نبـت زملـوق = وضحآ بكر هي شف راعين الاذواق في مرتعآ ماطبـه الا هـل النـوق = وشهب الجيوب اللي تباري لها نياق وضحآ مفاليهـا بشعبـان ساحـوق = الديره اللي حبهـا وسـط الاعمـاق حييت ياللي من هوا الترف مزنـوق = يانادرآ ماكرك فـي راس شوهـاق يمناك ماهي يابن الاحـرار للعـوق= يالمغرم الهايم بموجـات الاشـواق قبلك ترى قلبي من الخشف مسروق= طردتهن حتى شكى القلب الارهـاق ذكرتنا باللـي لهـا هزنـا الشـوق = شوق الضوامي لالمحوا ضوح براق مكحولة العينيـن والعنـق منتـوق = ملهوفة السرجوف مبرومة السـاق اللي طراخمها تقل ريـش غرنـوق = شقرا الجديل اللي على الردف منساق راعي نهودن منهن الجيـب مفتـوق = اللون لون الثلج والملمـس رقـاق والعين عين اللي بدى راس شاهوق = حرآ وحش للجول ساطـي ولحـاق من اللبس بعض اطرافها تقل مخنوق = واسع ولكنه علـى اردافهـا ضـاق غيدآ لها بالمجتمـع قـدر مرمـوق = ومن دونها سيفآ يقص اقسى الاعناق ماتغازل العشاق في ساحة السـوق = فيها الحيا ممزوج مع غنج واخـلاق من عقبها كني على الوجه مصفوق = اثر الغـلا ياخـوك ماهـو بينطـاق اقفت ضمى ونا على شوفهـا اتـوق = وانشهـد ان الحـب للحـال سـراق ريمآ غلاها طوق القلب فـي طـوق = تطويق ساق الحر الاشقر بمسبـاق لعيونهـا ياكثـر ماجـر طــاروق = وياكثر ماارخيت القلم فـوق الاوراق حصل الفراق ولا انطفت جمرة الشوق = الله يسهل دربهـا بحسـن الاوفـاق إن كان خلك دونه إمقاضـب حلـوق = الوقت ماهـو وقـت بنـدق وتفـاق ماهي رخامه ميـر للعالـم احقـوق = والكـل منـا لـه مـع الله ميثـاق الروح من دونك ترى نسوقها سوق = لوهي بوقت اللي لها ريش وحـلاق الخيل تسرج وأبلج السيـف مذلـوق = وإلك انتعزوى بيوم نشفات الاريـاق وكان إنه بجاه الرياجيـل (ملحـوق) = والمـال لوهـو بالملاييـن ينسـاق وعداد مابروس النخل مالت اعـذوق = اقبـل سلامـي عـد ماهـل دفـاق وكم واحدآ من لوعة الحب مرهـوق = بدنيـآ عوايدهـا تجمـاع وفـراق . . . . . ا رجو ان تنال الرضى من الجميع

الشاعر تركي الشدادي
الشاعر محمد البدراني
إبداع وجزالة وقوة معنى ولفظ
تحياتي لكما

صح السانك اخوي الشاعر محمد عبدالمحسن البدراني

بيض الله وجهك

و بارك الله فيك

تحياتي وتقديري
عاشق بريده