متى العرب تصنع الصاروخ والذره

متى العرب تصنع الصاروخ والذره=ويرجع للإسلام من عز العرب دوره
وترجع فلسطين لعيون العرب قـره=و الشر نمحاه ونهـزم امبراطـوره
ونأخذ بثأر الشهيد محمـد الـدره=القصة اللي بتاريخ العـرب عـورة
ويبرد بكبدي لهيب ما بـرد حـره=يشتب مع نشـرة الأخبـار تنـوره
الظلم من شلة االشـارون يامـره=اعصابة الكفر تلعب بالعرب كـوره
مذابـح مثلهـا التاريـخ مـامـره=لا في حديثه ولا في غابر عصوره
يوم نعيشـه كفانـا خالقـه شـره=به كل ساعه تمر توضح الصـوره
ضر العرب وأمة الإسلام من جـره=تبقى الإجابه ورى الأهداف مبتوره
ناس تصب العسل والسـم بالجـره=شراذم من يهود الشـرق موتـوره
وناس تبي عزة الإسـلام وتضـره=جهادها عنـه يوقعهـا بمحـذوره
تفتـي بقتـل البـري والله ماقـره=لا بالأحاديث و لا به نـزل سـوره
وناس بها تقتدي عن جهل مغتـره=اتنفذ مخطـط الأرهـاب مغـروره
افكارهم مضلله والـروس مفتـره=على شيوخ الضلالات درسـو دوره
يفتيهم مسيلمه وابـو لهـب مـره=وزعيمهم يصدر النشرات من غوره
وثرثاربقبن عليه الدور اخـو مـره=والله ان ينشب لسانه وسط حنجوره
يحيا ملكنا وتبقـى المملكـه حـره=والفئه الضالمـه تمـوت مقهـوره
حنا حروب لنا يوم الوغـى كـره=وقفاتنا مع ولات الأمـر مشهـوره

صح السان الشاعر سعود المبيريك

وبيض الله وجهه

صح السان الشاعر سعود المبيريك

والله يبيض وجهك ابوروان
تحياتي

صح السان الشاعر سعود المبيريك

وبيض الله وجهه

صح السان الشاعر سعود المبيريك

والله يبيض وجهك

تحياتي وتقديري
عاشق بريده

صح لسانك ..


أما متى يصتعون الصاروخ و الذره ؟!!! .. هذي إذا صارت أقوالهم أفعال .. إذا عرفوا طريق الله سبحانه ..


بس حنا جيدين بالهرج ..

بألنيابه عن شاعرنا

يعطيكم العافيه على المرور

بيض الله وجهكم

اتمنالكم التوفيق إن شاء الله

أخيكم ابوروان

يعطيك العافية يالغالي


و صح لسان الشاعر

سعود المبيريك