حياك الله يالذيب

الشاعر ذيب العاقر:
ودي نعوض محاورتنا اللي ما كتب الله لها الاستمرار
لاسباب فنيه. و أن كان مشغول الليلة ننهيها بكرة أو أي وقت آخر
أنا مقيم و على ما
استلم لا هنت و الحاضرين:

يا سلامي عد ما شعّ في القبلة بروق=و اقتفاه الرّعْد و امطر بهمّال(ن) حقوق
لصاحب(ن) في الملتقى حط له بالشّعر سوق= و سجّلوها بالسجلات يا كتابها

يا ذيب يا ذيب يالعاقر تفضّل "بليز"=نبي نقطِّع سويعات(ن) على الماشيا
تراك يا ذيب رجّال(ن) عليّه عزيز= حذرا يغيّرك هرج اللاش و الواشيا

الشاعرالصييفي صح لسانك وبيض الله وجهك

	المشاركة الأصلية كتبت بواسطة ورقان

	الشاعرالصييفي صح لسانك وبيض الله وجهك

حياك الله يا ورقان

صح بدنك و شكرا لك على حضورك

يظهر ان ذيب العاقر مهوب قريب

حتى جواله فيه مشكله

ارجو ان يكون العلم خير


تحيتي للجميع

الشاعر الصيقي

صح لسانك وبيض الله وجهك

لاعدمنا وجودك

	المشاركة الأصلية كتبت بواسطة ابو صقر الحربي

	الشاعر الصيقي صح لسانك وبيض الله وجهك لاعدمنا وجودك

صح بدنك يا ابو صقر الحربي

شكرا لك على تشريفك

تقبل تحيتي و تقديري

صح لسانك يالدكتور
الله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة عسكر البارود

	صح لسانك يالدكتور الله يـعـطـيـك الـعـافيـــــــــــة بيض الله وجهك

مرحبا بك يا عسكر البارود

و لا زال طيبك باقي و مودتك باقية معنا

لا هنت

اخوي ذيب العاقر
ترى هذي المحاورة ما زالت تنتظر عودتك
و اشوفك عدت
تحيتي لك

هلابك يابو الوليد وابشر بالحق عن التاخير
واستلم وعسى الله يجملنا معك

مرحبا بك يابيض الوجه في دار الحروب =عد ماهل الحيا من مقاديم النصوب
شاعرن بالشعر والعرف والعلم محسوب = وسجلوها بالسجلات ياكتابه

ياصاحبي يوم صار الهرج بالانجليز =قود مورننق سير وازهل صفت الحاشيا
حبل المواصل نبي نربط عليه بقفيز = واقرا على اهل الحكي من صورة الغاشيا

الأخ ذيب العاقر
سأحاول كتابة المشاركة مرة أخرى (مع أنني نسيت عجز البيت الثاني)
حيث مسحت بسبب ما حصل للملتقى من عبث
و لا نقول الا حسبنا الله على من كان السبب
الله لا يوفقه:
هذا هو الموال تو لقيتههههك

البقا يالذيب بالدار و اللي ساكنين= لا بة(ن) فيها المراجل و علم الغانمين
و انت من شعارها اهل العلوم البارزين=و سجلوها بالسجلات يا كتابها

لا دارت الشاذليه بين تمر و ميز= ما بين ربع(ن) تحب الكيف و عطاشيا
و تواصل الطيبين يكون دايم حريز= حتى و لو تاصل التضميد بالشاشيا