خير الكلام ما قل ودل

يا وجودي يوم افكر واذكر الجمالة = والسنين القاسيات وكيف عاشو فيها
وقت متقلب ولا يبقى نهار بحاله = يوم زين ويوم يجعل فرعها واطيها
وانتهى ذاك الزمان وجا زمان بداله = وراحو رجاله معاه وباقين طاريها
هكذا الايام كلن تذكره بافعاله = يا ذكرت من اوّلات القوم يا تاليها
لا عاده الله النهار أللي يعرفنا برجال = يبدي لنا الطيب وأللي بالحشا يخفيه عنّا
اذا بدت حا جته يقبل عليك بطيب الاقوال = واذا انتهت حاجته لاجيت منا راح منا
يابو محمد ترا طبع الجمل من طبع راعيه = الصعب لا تتركه يولف على فك الخطامي
جود خطام القعود ولاطف الاقشر وداريه = ينفعك بالليلة الظلما وبديار المظامي
الزرف اذا ما تعاير طلقته يخطي مراميه = والصقر عند الغشيم تحصله مثل الحمامي
وانته مدرب ومثلك ما يبي له من يقريه = وان كان خالفتني لا بد ما تذكر كلامي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح الله السانك


قصيدة عانقة السماء بجزالتها وأبداعها

تحياتي لك

صح لسانك ملاييييييييييييييين


شاعر جزل اطرب لقصائدك


لك تقديري

صح لسانك وبيض الله وجهك

نص جميل وشاعر بارع

تقبل تحياتي

يا الله على المقاطع الثلاث كل واحدة احلى من الثانية مليئة بمعاني سامية
ومعايشة للواقع ابداع ما اقول الا بيض الله وجهك وصح لسانك

إبدااااااااااااااااااااااااااااااااااااااااااااااا اع





صح الله لساااانك منا لأعندك


تحياتي