ترى ماذبحني غير وقتن مداره فر - عز الرخوم وذلّ حرّه وعقبانه ...

السلام عليكم ورحمة الله وبركاته ..


اليكم الجديد ..

يامل قلبن كل ماملت فيه افتر =واليا جبرته راغ واهتزت اركانه
كم لي وانا اجيبه واوديه لين احتر=حتى خشيت النار تعلق بشريانه
الناس بردانه وانا موجسن لي حر=وشلون اقاسي حر والناس بردانه
يامن على ضوّه عقب ماترمّد كر=دوك الخفوق وشيل من جال نيرانه
مثلي شلون يطيب وقته وفيه يسر=لا الوقت ذا وقته ولا الماد ميدانه
ودي بعيد آسج واهجلي مع بر=لكنها ضاقت على العين خليانه
يتعب وسيع البال كانه بدربه مر=مامرني في سالف الوقت وازمانه
لولا ضلوعي كان قلبن حملته فر=فرير حرن شلّع اليوم جنحانه
على شفا حفره توقفت وادرى الشر=لين استقرت حالتي بين نيبانه
عفت الوجيه البارده والزمان المر=ولاعاد اميز من عدوّه وخلانه
يلومني خبلن على مقعده ماقر=يدبك ورى خيبته والسود عنوانه
مايدري ان الوقت قبله لمثله غر =ولا اطلعنه من سواياه ذرعانه
طاح المطيح وشان وقته وشاف الضر=وكلن بوجهه صك بالحال بيبانه
من عقب كان ينافس القدر سعر الدر=ماعاد يسوى عندهم قدر حذيانه
ترى ماذبحني غير وقتن مداره فر=عز الرخوم وذل حره وعقبانه

اطيب الأوقات ..

صح السانك صح السانك مدد ماهو عدد

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر بدر الهبيري
صح بدنك
بارك الله فيك

الشاعر الكبير بدر الهبيري
صح لسانك وبيض الله وجهك

الشاعر الكبير

بدر الهبيري

صح لسانك وبيض الله وجهك

تــرى ماذبحـنـي غـيـر وقـتـن مــداره فــر
عــــــز الـــرخـــوم وذل حـــــــره وعـقــبــانــه..

هذا بلا ابوك ياعقاب.
صح لسانك مددبلا عدد

صح لسانك وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير

الشاعره العنود صح قلبك والف شكر عالحضور ..

الاخ العزيز رابح الجحدلي لاهنت وصح بدنك
الف شكر على حضورك الرائع ..