1604 لغز على كيفك عند أول رمعة محلول ( المبخره )حله ابوهليل صح لسانه

السلام عليكم ورحمة الله وبركاته: هذا اللغز للشاعر: سويلم بن
مسعد الصبيحي المزيني الحربي: ارجو أن يحوز رضاكم:يقول فيه

ياويش بنتن جسمها حوف سايوس = قرب اللحى بركود تحضب قريبه
في بطنها موجود حامس ومحموس = لولا الثنين بزولها وش نبيبه

الف شكر يابو فهد والف شكر يابوسعود
الله يعطيكم العافيه ويطول اعماركم
لغز وافي من شاعر جزل
جاري التفكير

	المشاركة الأصلية كتبت بواسطة ابوهليل

	الف شكر يابو فهد والف شكر يابوسعود الله يعطيكم العافيه ويطول اعماركم لغز وافي من شاعر جزل جاري التفكير

ابو هليل أسعدك الله في الدنيا والآخرة وبيض الله وجهك على التشجيع المستمر والكلام الطيب,
وهذا من طيبك وطيب أصلك وعلو أخلاقك:

صح لسانك ولسان الشاعر ..
لك جهد تشكر عليه في ملتقى الالغاز الشعبيه
رمعه وش رايك بالبطاريه فيها سالب وموجب

	المشاركة الأصلية كتبت بواسطة النهر

	صح لسانك ولسان الشاعر .. لك جهد تشكر عليه في ملتقى الالغاز الشعبيه رمعه وش رايك بالبطاريه فيها سالب وموجب

صح بدنك يالنهر وبيض الله وجهك على الكلام الجميل:
وهذا دليل على أخلاقك العالية: الف الف شكر لشخصك الكريم,

الرمعة مالك لوى

مساء الخير يابوفهد
وش تقول طال عمرك بمكينة الحلاقه

	المشاركة الأصلية كتبت بواسطة ابوهليل

	مساء الخير يابوفهد وش تقول طال عمرك بمكينة الحلاقه

الله يمسيك بالخير والنور والسرور يابو هليل,
اللغز يتمتع بصحة جيدة

وش تقول بالكاسه كاسة الشاهي
فيها سكر وشاهي والا الملعقه

	المشاركة الأصلية كتبت بواسطة ابوفهد الحربي

	السلام عليكم ورحمة الله وبركاته: هذا اللغز للشاعر: سويلم بن مسعد الصبيحي المزيني الحربي: ارجو أن يحوز رضاكم:يقول فيه ياويش بنتن جسمها حوف سايوس = قرب اللحى بركود تحضب قريبه في بطنها موجود حامس ومحموس = لولا الثنين بزولها وش نبيبه

استلم يابو فهد الرمعه الاخيره
وش تقول طال عمرك بالمطيبه والحامس الجمر والمحموس العود الازرق

انذبح اللغز من ابو هليل صح لسانه والله العالم

صح لسان الشاعر والناقل واللي حل اللغز

ونحن في الانتظار