الجدير بهرجتي واعتباري

بسم الله الرحمن الرحيم



,,



السلام عليكم ورحمة الله وبركاته

العلم مايخفى مابين الرياجيل=العلم له فالوجه كاتب وقاري
أحدٍ يدرجها على دراج القيل=وأحدٍ يخيل النو والنو ساري
المغني الله عن كثير المحاصيل=الظفر مايخفاه فسر المواري
واحدٍ يطيرها طيورٍ محابيل=يبا يصيد اللي على الصيد ضاري
مثل الذي يغزي بمرجٍ من الخيل=يا تطرحه ولا يطش السواري
وأحدٍ على العربان راعي مداخيل=ليته على طبعه حشود امتواري
لايسلم الشرهه ولايترك الميل=لاهو الذي ينشد ولاهو بداري
ياهون هقوة فالرجال المشاكيل=أهل الصحيح معززين الجداري
قلوبهم أبيض من الشاش ياشعيل=وأفكارهم مثل الفلك بالمداري
وأحدٍ يدرجها علوم وتعاليل=مثل الذهب مابين بايع وشاري
يحمى صديقه عن كثير الاقاويل=دايم عن الشكه منزه حضاري
تكثر عليه الاحتمالات ويزيل=جميع مايطريه دون اعتذاري
وليا حكم يحكم بصدق الدواليل=ماهو على الرحله بحجز انتظاري
متأكدٍ عن وجهته بالتفاصيل=الوقت والمدة وبأيا مطاري
حليل لاقالو لك الناس حليل=هذا الجدير بهرجتي واعتباري
منه اعتذر لو ماتخطيت وأشيل=وأصير قُدمه واضحٍ كنهاري
أقول مايخفى مابين الرياجيل=العلم , له فالوجه كاتب وقاري
والصدق له فقلوب الاحرار تنزيل=كنه وحي مُلقى في رَّوع القراري
غنيت من بالي ومثلت تمثيل=فإن كان قِصِر القول فالعذر داري

وسلامتكم

صح السانك ابدعت لاشك

	المشاركة الأصلية كتبت بواسطة الكحيلة

	صح السانك ابدعت لاشك

صح بدنك يالكحيلة. شكرا جزيلا

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك . شكرا جزيلا

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

يصح لسانك يالشاعر

ولاهنت على هالشامخه

إحترااامي’,,

طلال المعبدي
سلمه الله


شاعرنا الغالي والشاعر القدير طلال دائما جزل بكل ماتحمله الجزاله من معنى


الف مليون صح السانك
وعلا شانك


لك مكانة خاصه لدي ولكل ماتطرحه مكانته


لاعدمناك

ولافض فوك


قلت واجزلت



تحيتي وتقديري

	المشاركة الأصلية كتبت بواسطة لــهــيــب

	صح لسانك كثر حروفها واكثر والله قصيدة جزلة بالحيل ، وكل قاف احسن من الثاني . تحياتي

صح الله بدنك يالهيب
دمت بخير.

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك