:::::::::: يا قلب ::::::::::::

26-02-11, 07:38 PM

،،
السلام عليكم ورحمة الله وبركاته
،،
أبيات من شان مايسجل عليه غياب
،،
عسى ان تروق لكم
،،

يا قلب وش خلاك بيحت سدك=وجفيت منه طيلة العمر هناك
لاجل أيش تهوى ود منه يصدك=ولا عاد وده شوفتك غير يشناك
شاللي على مافيك ياقلب حدك=قللي وش اللي يمت الحيد عناك
ماكل منه لاهويته يودك=ولا كل صاحب في غيابك تمناك
الناس ماهم مدهم مثل مدك=والوقت داير لاهنيه ولا هناك
كثير منه بين الأصحاب عدك=وليا نصيته في السعة قال عيناك
لكن ليا احتجته بلا عذر ردك=وإن كان مدك ما ملأ كف يمناك
منه يبي لاماك يأخذ بيدك=يالين ما تقوى على رفع مبناك
خذها نصيحة قرم ياذخر جدك=عساك تعرف من يودك ويعناك
إن كان ما تشرب قراحٍ بيدك=لو طاب لك مد الرجاجيل ما أغناك

26-02-11, 08:57 PM

الشاعر محمد اليوبي
صح لسانك وعتلا شانك
تحياتي وتقديري

26-02-11, 09:07 PM

محمد سعد اليوبي
سلمه الله

ابيات جميله ومعبره

صح السانك

وعلا شانك

وقفت هنا كثيرا :

خـذهـا نصيـحـة قــرم يـاذخــر جـــدك
عـسـاك تـعـرف مــن يــودك ويـعـنـاك
إن كـــان مـــا تـشــرب قــــراحٍ بــيــدك
لو طاب لك مد الرجاجيل ما أغناك

لله درررررررررررررك

ولافض فوووووك

تحيتي وتقديري

26-02-11, 09:59 PM

قصيده رائعه
اسجل اعجابي بحرفك الراااقي استاذي
ابوهاني
صح لسانك
ابدعت بهذي الرائعه
دمت ودااام تميزك
احتراااامي

26-02-11, 10:22 PM

صح لسانك يا ابو هاني على هذه الجزلة

وجمال المعنى والحرف

فكما عرفتك لك منظارك المميز وزاويتك الخاصة نحو الأمور

نعذرك لكن لا تطول

دام عزك وبيانك وعافاك الله ورعاك