من يذكر الله

قصيدة جديدة عسى أن تنال اعجابكم

كل ما مسكت القلم بكتب عن الأشواق=الفكر يحتار ايش اكتب عن اشواقي
لكن ابكتب لكم كلمة من الأعماق=واذا اطلعتم عليها كملو الباقي
الشوق من عادته جوف الحشا حراق=وانا الذي قامت الاشواق باحراقي
الشوق حمل فؤادي حمل ما ينطاق=حتى تسبب في تعذيبي وارهاقي
قلبي وقع في هوا جاهل لعوب وعاق=داله وسالي وقلبي فيه متشاقي
فايق ورايق وانا ما يوم بالي راق=مشيت في طاعته حتى تعب ساقي
واصبحت به فالهوا واحد من العشاق=حتى مع الوقت كادت تفسد اخلاقي
لكن ربي فزع لي يوم عقلي فاق= وذكرت يومن برب الكون متلاقي
ومن يذكر الله غروب الشمس والمشراق=يصير له عن دروب اهل الهوا واقي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يالعمودي
لاهنت يالنشمي
قصيدعه وافيه وانت وافي
لاحظت ملاحظه صغيرونه على البيت الثاني
الشطر الاخير
احسه مكسوراشوي
وسلامتك يالنشمي

ومن يذكر الله غروب الشمس والمشراق
يصير له عن دروب اهل الهـوا واقـي

صح لسانك يالعمودي
ولاهنت ياغالي
تحياتي لك

صح لسانك يالعمودي على هذه الجزله

العمودي
صح لسانك وعلا شانك
قصيده جزله من شاعر جزل
لاهنت ولا هان حضورك الكريم
احترااامي

صح لسانك
جمل الله حالك