المطرق المنعاج لاتعدلونه

يا مرحبا يالشعر مالك مهونه = محتاج لك وانته لشرواي محتاج
حقك علي البيت اعزه واصونه = والبسه من طيب المعرفه تاج
الشعر ين خاني وكحل عيونه = وان خاه لاجتني هواجيسي افواج
واقنع النقاد لاينقدونه = احط دون السور صبات وسياج
اريض المعنى واهجرس لحونه = به قسوة الصاطي وبه لين ديباج
تمسعو والشعر لاتفسرونه = الشعر تفسيره يسبب لي ازعاج
لي مقصدٍ بعض العرب يجهلونه = وللبعض الاخر واضحٍ كنه اسواج
وكان الهدف ما يقصر الرمي دونه = ابعترف بالحق وافخر بالانتاج
ورجلٍ يصون العقل عقله يصونه = يبعد عن الزله ويسلم من العاج
يهل البعير اللي تبا تا سمونه = الوسم في خد الجمل يلعج لعاج
ماهو بتاركم ولو تتركونه = يضوي ولو انه بدار العرب داج
هذا موالف والعرب يعرفونه = وسمه بخده قبل مرباع الافلاج
القيد لبليهان لاتفتلونه =باب الطمع دونه مسكر بمزلاج
والمطرق المنعاج لاتعدلونه =ليا انعدل ياخذ شويه وينعاج
لوان فيه من المرونه مرونه = مشعور راسه ومتعروج تعرواج
والوعل لوانه تطاول قرونه = لاواصل القمه ولاهد الابراج
والحق مثل اسهيل لو تاجدونه = يا اهل الهروج اللي تروج ترواج

الشاعر الكبير علي الحصني
ابو فارس جمعة القوه والحكمه والابداع في السبك والحبك
علي الحصني اسما نجده خلف كل ابداع وكل ماهو جزل
صح السانك يا بو فارس ولا هنت على كل حرف كتبته

الشاعر خالد الحصني
يشرفني كل ما قلت وبيض الله وجك

اريض المعنى واهرجس لحونـه
غلطه املايه

في مايبديلي


اخي الشاعر القديرعلي الحصني


مدري وش السمي هذي القصيده العصما



ولاكن ابا سميها مدوخه

كل بيت جيد من اللي قبله

والختام صح السانك مية مره

الشاعر الكبير والرائع دائماً

علي الحصني

صح لسانك وبيض الله وجهك

سحابةٍ مسيله والوادي من الجال للجال

تحيتي وتقديري لك

الشاعر القدير غازي الزغيبي
يشرفني مروك الكريم وتسميتك الذي تدل على حسن ذوقك
وانا اقول فعلاً مدوخه ومنوخه
واشكرك جزيال الشكر ولاهنت يا ابو طلال وبيض الله وجهك

	المشاركة الأصلية كتبت بواسطة علي هليل الحربي

	الشاعر الكبير والرائع دائماً علي الحصني صح لسانك وبيض الله وجهك سحابةٍ مسيله والوادي من الجال للجال تحيتي وتقديري لك

الشاعر العذب علي الهليل
يشرفني مرورك الكريم والاس بحاجة المطر
واقول سقى رحمه انشاء الله

شاعر علي الحصني


صح لسانك


من يفسرلي ابعاد هذا اللبيت


هذا موالـف والعـرب يعرفونـه
وسمه بخده قبل مربـاع الافـلاج

ياسلام سلم

وش هذي القنبله


يابا فارس


صح السانك

صح السانك علي وبيض الله وجهك قصيده جزله حوت الابداع والجمال الله يعطيك العافيه