مجنون القصيدة

	سجن بلا جدران والباب هوجاس ماينقفل والروح تهذي اسيرة من ثمن المسجون والقيد من ماس يبرق وينشر في مواطيه حيرة سجنه قصيدة تختلج بين الانفاس يجمع ويطرح والقناعة عسيرة عاكف وهمه يوزن الحرف باحساس تمضي حياته يصطلي في سعيره ساسه قصيدة ومنبت العرق دساس سابع جدوده ماخلى من مصيره يطرد وراها في دجى الليل جساس ضو المعاني في دروبه منيرة هاوي حروفن مختلي بين جلاس ويغيب بين اهداب عيت تجيره ماضيع المجنون غير قولة الناس مجنون ليلى والهروج الكثيرة ومحدن يقول إن المجانين أجناس هايم قصيد وهايم الحب غيرة راضي يعيش بتهمة ترفع الراس وسم تعلى هامته مايضيره منها شقاه وللشقى فيه نوماس عدُّه مكاسب للسنين وذخيرة يتبع هواه ونبضة الحرف نسناس ظل القوافي له ونيس وديرة قصة جنون عدّها الناس مقياس ياما سمعنا والحكايا جديرة ياشاعر الاحساس والحرف خنّاس دوّر عليها فالشعاب المطيرة

(( قصيدة عائشة النويمي ))

مشعل صح لسان الشاعره
واشكرك على نقل القصيده

صح لسان الشاعره على هالقصيده الجميله المعبره
بانتظار جديدها

شكرالك على النقل وحسن الاختيار
تحيتي

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

صح لسان الشاعره
ولاهنت يالنويمي على النقل
تحياتي لك

صح السان الشاعره
والله يعطيك العافيه على النقل
لاعدمناك