( من باعني بريال مشريه بريال)

/
/
/
/
/
/
/
/
/
/
/
/

من باعني بريال مشريـه بريـال=طرد المقفي يتعب النفس ويعيـب
واهل اليمن قالوا قديـم ٍ بالامثـال=قالوا على الرده تخلص على الذيب
عزيت نفسي واعرف الشوق قتال=من صد عني عنه آصـد وآغيـب
ياللي تعمّد تقطع حبـال الاوصـال=زعلك مايزعل ولا اشوفه اصعيب
من عادتي مندّم على بعد الانـذال=درب ٍ يـودي ماتمنيتـه يجـيـب
ويقوله اللي ترجم القـول بافعـال=ماياخذه في درب الانذال ترغيـب
طبعه على قولـة نعـم دوم ميـال=من نشأته رابي على خير تهذيـب
وضح النقا ماشي ولا هو بمحتـال=صادق وله بالوقت خبره وتجريب
قال الكرامـه ماتثّمـن بالامـوال=واللي كسبها عاش بين العرب ذيب

الشاعر/ خالد بن عبيد بن معتوق ألأحمدي

صح لسانك وبيض الله وجهك

وانا اشهد إنك ذيب

صح لسانك ياصقر المراقيب قصيدة قيمة من شاعر قيم ومتمكن كما عودنا ، دمت بعز وخير

صح السانك وبيض وجهك
تقبل
اطيب التحايا

قال الكرامـه ماتثّمـن بالامـوال = واللي كسبها عاش بين العرب ذيب
صح لسانك ولاهنت

الأخ الشاعر/ خالد بن عبيد بن معتوق ألأحمدي

بيض الله وجهك وصح الله لسانك

ابداع غير مستغرب منك يالغالي

لله درك

تقبل اجمل التحايا

ودمت بخير

	صح الله لسانك ولاهنت وسلم فكرك وبنانك دمت برعاية الله وحفظة

صح لسانك وبيض الله وجهك
يـــــــــــــــــــــــــــــــــــــــــــــــــ ـــــــا ذيب

صح السانك وبيض وجهك

كفووووووووووووووووووو
صح لسانك
بيض الله وجهك
قول وفعل