آه يا دنيا

16-10-07, 11:48 PM

جديدة كان لها ما يبررها،
آمل أن تنال استحسانكم

آه من دنيا(ن) تودّي الرجل حدِّه= بكل ما فيها من المرّ و الحالي
نحسب ان كلش تجي به على القده= وآخرتها ما بنيناه ينهالي
العشم في بعض الازلام جا ضدّه= و لا حصل مما تعشمت مثقالي
كيف ذا جا منه يا ربي اتلدّه= لابس(ن) من شين الافعال دسمالي
ليت الاقشر ما تسمى على جدّه= جدّه اللي بالمراجل له افعالي
طير ابن برمان معروف، من هدّه= يرجع وفاضه من اللي بغى خالي
ما هنا اقوال(ن) بهجمات مرتدّه= كود به حربه، و من يحمي التالي
فاضي(ن) ما فيه هاته و لا ودّه= مثل فاضي الدلّه اللي على الصالي
ان تساوى بالولد هزله و جدِّه= ما حد(ن) يعطيه في مجلسه بالي
كل واحد من ربوعه رفع يدّه= و صار ضايع بين شاني و عذّالي
رافع(ن) خشمه، تقل ما حد(ن) قدِّه= و ان تكلم قلت ما فيه رجّالي
لو يطلق زوجته خسرت العدّه= مهرة تسوى و لا فيه خيالي
مثل هذا حل بالماقفه حدّه=و ذا جزاه اللي محدّد للانذالي

16-10-07, 11:55 PM

صح لسانك يالقرم

جزلة من راس جزل

بيض الله وجهك والله لايحرمنا منك ومن جديدك

16-10-07, 11:58 PM

صح لسانك وعلا شانك

والله يعطيك العافيه على القصيده الجزله

بيض الله وجهك يابن مسعود

قطعتنا ياشايب ولا حنا قطعناك والله مدري

عسى عيدك مبارك وايامك سعاده يالغالي

مع التحيه