بدر السحيمي واحمد الخياط

بدر السحيمي:

يامرحبا بالضيف واللي بعدها هاك فنجـال=دايم ننادي لنشامـا ونتعـب فـي طلبهـا
حنا بذلنا لاجل جار الوفا برجـال واريـال=كان الخلف جاهل فاكيد السلف عنهم حجبها

احمد الخياط:

دام البقابك وانت رجال واللي معك رجال=نـار لاشبيتـهـا قـلـت لــك زوّد حطبـهـا
الشكر لله ثـم لملـووك حكـام ٍ لهـا افعـال=الاولـــه للجارتاريـخـهـا الاول كـتـبـهـا

بدر السحيمي

انا ادري انك وسط ميدانها صوال جـوال=مير اليالي تختلف والفهيم اللـي حسبهـا
اللي عطا خاروف ماهو كما اللي قدم اجمال=من شانكم مر اليالي تصبـر ثـم شربهـا

احمد الخياط:

بطن السما معروف وهلال غاب ويطلع هلال=انت التفـت للهنـد والصيـن يامكثـر شعبهـا
ياهونـهـا ياخفـهـا يـابـدر فــي وزنــة ثـقـال=من دون حده محتزم وان تركها احمد نهبهـا

بدر السحيمي

صادق لكن البطن ياصاحبي مزحوم بخيـال=اللي تشوف الحمل لابد ماتثنـي ركبهـا
ان كان تبغى الصدق والصدق يارجال ينقال=انتم وحنـا مانقصـر ليـا شفنـا لهبهـا

احمد الخياط:

البرق يبرق والخطر كان سيله يابدر سـال=ـمن قـو سيلـه لايـدم الجزيـره مـع عربـهـا
الناس راحت كلها تشتقي في قوت الاجيال=اللـي بقـت عنـده منيحـه لغيـره ماحلبهـا

بدر السحيمي

حنا نخيله جنب من داركم ثم ياخذ اشمال=اليا غلبنا الامر لحيه ولايقصر شنبهـا
لولا قديم الوقت راسك مايثبت فوقه اعقال=فالدين ولاجهل حق العرب تذكـر نسبهـا

احمد الخياط:

احدٍ يصارعها بزنده وأحد في رووس الاموال=احدن علـى درب العـرب دايـمٍ رجلـه شذبهـا
البـاب لـه مفتـاح لـكـن انــا حصـلّـت مـدخـال=اهل الذهب ماتعطي الناس من غالـي ذهبهـا

بدر السحيمي

احمد الخياط

أبداع رائع

صح لسانيكما

وفقكما الله

صح الله السنتكم ياشعار


ولاهنت يابدر على النقل

	المشاركة الأصلية كتبت بواسطة سعد بن نفاع الجابري

	بدر السحيمي احمد الخياط أبداع رائع صح لسانيكما وفقكما الله

صح بدنك

حياك الله

	المشاركة الأصلية كتبت بواسطة فهد عواضه المخلفي

	صح الله السنتكم ياشعار ولاهنت يابدر على النقل

صح بدنك

ولاهنت على المرور

صحت السنتكم
والله يـعـطـيـكم الـعـافيـــــــــــة
بيض الله وجيهكم